.jfif)
السؤال اللى ناس كتير مختلفة على إجابته
هو فى صداقة بين ولد وبنت؟
ناس كتير بتقول أه طبعا وإيه المشكلة؟
وظهرت موضة صاحبتى الأنتيم للولاد
وصاحبى الأنتيم للبنات
طيب هو الكلام ده ينفع؟
يعنى مثلا الشاب يحكى لصاحبته الأنتيم عن حبيبته
أو بعد المحاضرة أو الشغل ينزلوا مع بعض علشان تشترى هدوم جديدة
أو هى تكون نفسيتها تعبانة شوية بسبب قصة الحب اللى عايشاها
فتجرى تقابل صاحبها وتقعد تحكيله وتفضفض وتعيط
وهو قاعد جنبها يمسح دموعها ويطبطب على ضهرها
طيب دول الشباب اللى لسه مش مرتبطين
طيب ينفع مثلا إن واحد يقول لمراته:
معلش يا حبيبتى أنا النهارده حتأخر شوية
حنزل مع سوسو صاحبتى تشترى شوية حاجات
فهى ترد وتقوله: وماله يا روحى أنا كمان حقابل ميدو صاحبى
أصل ياعينى حالته صعب خالص ومراته منكده عليه عيشته
طيب يعنى ما ينفعش يكون فى صداقة بين الرجل والمرأة؟
رايى الشخصى إن كل شىء لازم يكون له حدود
أنا ليا زميلات كتير من أيام الجامعة ومن الشغل
وبنتقابل فى مناسبات كتير
لكن العلاقة بينا لازم يكون ليها حدود
ودلوقتى أعرف ناس كتير من عالم التدوين وليا شرف معرفتهم
واتمنى أقابلهم فعليا واتواصل معاهم
لكن أنا مش مع الرأى اللى بيقول إن عادى يبقى فى صداقة بين الجنسين
يعنى ماينفعش إتنين يخرجوا لوحدهم يروحوا السينما مثلا
تحت أى مسمى إننا زى الإخوات
أو إن الولد ده زى إبنى
أو إنه فى عمر أبويا
كل ده فى رأيى الشخصى حجج فارغة
الرجل والمرأة مثل قطبى المغناطيس
يجب أن تكون بينهما دائما مسافة كافية
وإلا سيحدث إنجذاب لا إرادى لقطبى المغناطيس
بس خلاص
12 التعليقاااااااات:
انت عندك حق
حتي لو اتعاملنا ذي الاخوات
لاذم يكون في مسافه كافيه علشان متحصلشي غلطات لاقدر الله
ربنا يهدي الجميع
امممممممممم
طيب ممكن تقرأ
ما كتبته أنا اليوم
ما كتبته أنا النهاردة
السلام عليكم يا ابو حميد
كل شيء في الحدود مظبوط
يعني عاوز تقول لي زميلة لجوزي معاه من ابتدائي
ولو كان عاوز يتجوزها كانت ادامه ثلاثين سنة ويزيد
وبينهم صداقة رائعة واستشارات حياتية وفضفضات تليفونية
اقول له لأ يا بابا كخ كده
دي مش يبقى اسمها غيرة
دي اسمها هطل الخرفان
انا مش بقول انه بينزل معاها يعمل شوبنج
انا بقول بينهم وبين بعض حدود
واحترام
وفضفضة
ورقي معاملة
وصداقات مشتركة
ولقاءات مع زملاء اخرين من ايام ما كانوا بشورت
ده شيء لازم يكون بين كل البشرية
شيء اسمه الرحمة والتراحم
اهم شيء الناس تقف في حدود
واي شيء يجاوز الحدود تأكد إنه معروف ومفهموم من غير شرح
لأن الإثم ما حاك في صدرك وكرهت ان يطلع عليه الناس
هل تعلم ان طريقة عرضك للمووع ستجعل الجميع يقول لك معك حق فعندما تقول
"طيب ينفع مثلا إن واحد يقول لمراته:
معلش يا حبيبتى أنا النهارده حتأخر شوية حنزل مع سوسو صاحبتى تشترى شوية حاجات
فهى ترد وتقوله: وماله يا روحى أنا كمان حقابل ميدو صاحبى أصل ياعينى حالته صعب خالص ومراته منكده عليه عيشته"
عندما تعرض الامر بهذه الطريقة فأنت توجه الناس لاشعوريا الى ان يتبنوا وجهة نظرك لكن الامر ليس بهذه الطريقة الكوميدية والمبالغة الصداقة يمكن ان تكون موجودة في حدود الاحترام المتبادل والا كل جنس ينغلق على نفسه ويرفض التعامل مع اي فرد من الجنس الاخر ان لم يكن أبا أو أخا أوزوجا وهو امر غير ممكن الان بحكم ظروف العمل والدراسة التي تحتم عليك التعامل مع الجنسين
دمت بكل الود والاختلاف في الرأي لايفسد للود قضية
sony2000
--------
شكرا يا فندم
وفعلا لازم تكون هناك مسافة مناسبة
تحياتى
norahaty
--------
قريت الموضوع
بس إيه الصدف السعيدة دى :)
نتكلم فى نفس الموضوع فى نفس الوقت
ستيتة حسب الله الحمش
-----------------
إيه بس يا دكتورة زعلانة من كلامى ليه؟
لو حضرتك قريتى البوست بالراحة حتلاقينى بقول كل اللى حضرتك بتقوليه بالظبط... بس أكيد حضرتك مش حترضى إن جوزك يكون عنده صاحبته الأنتيم.. صح؟
خواطر شابة
----------
على فكرة مافيش أى إختلاف فى وجهات النظر بينا
إحنا الإتنين بنقول نفس الكلام بس حضرتك تقريبا قريتى الكلام اللى مكتوب بالأزرق بس.. لأنى قولت (رايى لشخصى إن كل شىء لازم يكون له حدود أنا ليا زميلات كتير من أيام الجامعة ومن الشغل وبنتقابل فى مناسبات كتير
لكن العلاقة بينا لازم يكون ليها حدود ودلوقتى أعرف ناس كتير من عالم التدوين وليا شرف معرفتهم واتمنى أقابلهم فعليا واتواصل معاهم لكن أنا مش مع الرأى اللى بيقول إن عادى يبقى فى صداقة بين الجنسين)
يعنى أنا مش ضد الموضوع على الإطلاق ولكن كل شىء لازم يكون له حدود يعنى أنا فعلا مش قادر أبلع موضوع صاحبى الأنتيم
تحياتى
كل شيىء له حدود فعلا
و بصراحه موضوع الخروج و اللقاءات المنفرده مش مستحبه فى مجتمعنا خالص
و لا حتى المجتمع اللى جنبه
كل حاجه بالمعقول كويسه
بوست حلو و عقلانى قوى
كلام جميل وكلام معقول مقدرش قول حاجة عنة
بس مين يقرا ومين يفهم ...المشكلة يا محترم ان احنا نسينا ان احنا مجتمع شرقى ومسلم وكلمة عادى اصبحت تطلق على كل الحاجات الغلط
اولا تشرفت بمعرفة مدونتك
ثانيا نتخانق بقى :)
فيه صداقة ممكن جدا.. لكن مش لدرجة سينما ويطبطب
بس ممكن شوبينج.. عادي .. هاقولك
ليا صاحبتي وصاحبي.. مخطوبين.. هو اعرفه قبل ما يعرف خطبوته
وعرفته على خطيبته.. وبنكون مثلا كنفرنس وتخرج هي لاي سبب .. ونفضل انا هو نتكلم عااااااااااادي
ممكن بكون خارجة ولا ظرف محتاجة حد معايا واخواتي مش فاضين.. اتصل بيه ينزلي.. من غير ما اتصل استأذنها
وهي تعرف بعدها وعادي جدا
ببساطة لانها لو عملت غير كده.. تقبقى غيرة غبيه
لاني اعرفه قبلها.. وعرفته عليها
يعني لو ناوين على حاجة.. كانت هاتبقى من زمان
فاهم قصدي؟؟؟!
عامة.. انا عجبني اوي الكلمتين بتوع المغناطيس
عندك حق.. فيه حدود ومسافة لازم تبقى موجودة
لكن كمان فيه اصدقاء بجد من الجنسين
برقي ونضوج وعقل
مش طبطبة وسينما.. وقلة عقل
تقبل مروري الاول.. :)
متفقة معاك جدا
" ولا متخذات أخدان"
إرسال تعليق