Recent Posts

السبت، 27 مارس، 2010

حاجتين


حاجتين 

أغلب المصريين

شايفين إنهم خبراء

وبيفتوا فيهم

الكورة

وللأسف

.

.

الدين

12 التعليقاااااااات:

صيدلانيه طالعه نازله يقول...

كلامك صح فى الدين بدليل القنوات الدينيه اللى بقت على قفا من يشيل و كل قناه هدفها الاساسى انها تضرب القناه التانيه مش انها تفيد الناس
ده غير الافتاءات المشبوهه و المدفوع تمنها مقدما من قيادات بعض الدول المشبوهه برضه

اما بالنسبه للكوره فانا باحس ان حسن شحاته دهراجل بركه لان ربنا بيسترها معاه كل مره و بيحميه من الخبرا الكرويين اللى ماليين الدنيا

ستيتة حسب الله الحمش يقول...

الكورة والسياسة الأتنين من الأحسن دائما أن لا تناقش احد فيهما
لأن محدش ها يغير توجه السياسي ولا الكروي ولا ها ينوب اللي بيناقش فيهما الا تقطيع هدومه

اما الدين فإحنا في مولد وصاحبه غايب
يا ابو حميد
لما يرجع العالم الفذ اللي لما تشوفه تذكر الله
لما يرجع العالم الرباني اللي لا يخاف في الله لومة لائم
صدقني بلد بها
1- غياب المحاسبة عند الجراءة على الدين
2- وبها افتاء بغير علم
زي زقزوق اللي هو وزير اوقاف يعني مش عالم ديني وطالع من كام يوم اللحية دي بتاعة ابو جهل
3- غياب العلماء الثقات اللي يلتف حولهم شعب يعشق السنة والوسطية من زمن الزمن

يبقى الموضوع عندها سلطة خالص

تحياتي

sony2000 يقول...

هما اتنين بس اللي بنفتي فيهم
لااااااااااااا خد عندك:السياسه...الاذمات...الحياه والعيشه واللي عايشنها
بجد الكل بيتكلم وبيفتي وبس
وتعالي وقت النتفيذ..لايوجد
ربنا يرحمنا برحمته

خواطر شابة يقول...

كل حاجة وليها دواء وممكن نقبلها الا الافتاء في الدين بغير علم اذا كان الامام الشافعي بجلالة قدره وغزير علمه كان لايستحي ان يقول لا أدري فيما نحن نتجرأ على الافتاء بكل يسر وسهولة بل ونتبرع به احيانا دون حتى أن نسأل

أبو حميد يقول...

صيدلانيه طالعه نازله
--------------------
طبعا عندك حق لكن أنا كنت أقصد عامة الناس مش شيوخ الفضائيات.. يعنى حضرتك ممكن تسألى أى حد فى الشارع عن أى مسألة دينية حتلاقيه يفتى فيها على طول

أبو حميد يقول...

تحيلتى لأرائك الرائعة كالعادة يا دكتورة
مع إنى ماعنديش أى مشكلة إنى أتكلم مع أى حد فى الكورة ونقطع فى بعض لأن الموضوع فى الأخر مجرد لعب وتسالى لكن السياسة ماينفعش نفتى فيها وخلاص لأننا ممكن نرسخ عند الناس مفاهيم مش صحيحة لو إننا بنتكلم كلام فارغ بدون علم
أما الدين فبجد الموضوع كارثة كل واحد بيفصل الأراء اللى على مزاجه
تحياتى يا دكتورة

أبو حميد يقول...

أحلى حاجة قولتيها ..وقت التنفيذ لا يوجد..
تحياتى

أبو حميد يقول...

التعليق اللى فات ده علشان sony2000

أبو حميد يقول...

خواطر شابة
---------
ربنا يرزقنا بأئمة زى الإمام الشافعى
تحياتى

norahaty يقول...

وطباها الكورة مش مشكلة
انما الأفتاء فى الدين دى
هى فعلاً اكبر مشكلة وذنب
عظيم يكفينا شره.

norahaty يقول...

ابو حميد من فضلك
غير رابط المدونة
بتاعتى لأنى غيرته
صعبان علىّ حالى 2

محمد فؤاد (صاحب عمود النور) يقول...

فعلا انت جبت من الاخر
انا بقى اللى بيحرق دمى ان حد مالهوش فى الدين ويطلع يتكلم
وبالذات المثلين الرجاله والستات
تبقى الواحده قاعده عريانه وليها افلام فضيحة وتقولك انا بعامل ربنا فى شغلى وربنا عارف انا بعمل ايه والدين دا علاقه بينى وبين ربنا

إرسال تعليق