Recent Posts

الاثنين، 27 ديسمبر، 2010

لقاء المنصورة....... مين رايح من القاهرة؟

مين رايح من القاهرة؟

اللى رايح ياريت يبعتلى 

علشان نرتب

الخميس، 23 ديسمبر، 2010

لقاء الخير...... لقاء المنصورة

لقاء خيرى فى المنصورة
يوم الجمعة 31 ديسمبر
التفاصيل عند ندى الياسمين
http://ndaelyasmeen.blogspot.com/

الخميس، 16 ديسمبر، 2010

فاتت جنبنا


إزيكم
تصدقوا التدوين ليه وحشة برضه؟
النهارده حتكلم فى موضوع عاطفى
طبعا فى وسط الهناء والرخاء اللى إحنا عايشين فيهم
مافاضلش حاجة نتناقش فيها غير المواضيع العاطفية

بهزر والله يا جماعة بلاش حد يزعق

المهم
أولا إكتشفت بالصدفة إنهم عملوا إذاعة لعبد الحليم حافظ
ثانيا بقالى ثلاثة أيام كل ما أفتح الراديو أسمع أغنية فاتت جنبنا
والنهاية السعيدة وتصفيق الجمهور
طبعا هى أغنية جميلة جدا
ومن ألحان موسيقار الأجيال محمد عبد الوهاب
بس وأنا بسمعها نط فى دماغى سؤال غريب
وسط إنبساط المستمعين بالنهاية السعيدة دى
حد فكر فى صاحبه حصل له إيه؟
يعنى من كلام الأغنية واضح إن صاحبه هو كمان مغرم ولهان
وهو ماقالوش
وكلمها من وراه وطلعت بتحبه هو
طيب
فى الحياة الحقيقية بقى
لو واحد بيحب واحدة ولقى صاحبه بيحبها
وهو مش عارف هى عايزة مين
المفروض يعمل إيه؟
طيب لو إرتباطه بيها حيجرح صاحبه
يعمل إيه؟
مايرتبطش ويبقى التلاتة خسرانين
ولا طظ فى صاحبه والمهم سعادته
ولا يعمل إيه بالظبط
حد عارف؟؟

الثلاثاء، 14 ديسمبر، 2010

تدوينة قديمة

لو عندنا الإمكانية إننا نرجع بالزمن لورا
ونغيرحاجة فى حياتنا
تعليم , شغل , جواز , أصحاب.......... إلخ
أى حاجة بس هى حاجة واحدة فقط لا غير
ياترى ممكن تكون إيه؟ 

أنا أول واحد حقول أهو
كنت حرجع أيام الجامعة تانى
وأذاكر بحق وحقيقى 
علشان أفهم مش أنجح وبس
لأنى إكتشفت بعد فوات الأوان
إن اللى كنت بتعلمه مفيد جدا جدا
مش مجرد حشو

مستنى أسمعكم

السبت، 4 ديسمبر، 2010

البؤجة



البؤجة الشتوية
التفاصيل عند
خالد همس الأحباب
وداليا قوس قزح
مين قال جاى؟؟