ليس من الضروري أن يكون كلامي مقبولاً..
لكن من الضروري أن يكون صادقاً.
(سقراط)
Recent Posts
الثلاثاء، 4 مايو 2010
الاثنين، 26 أبريل 2010
القدس..من قناة طيور الجنة
حلوة جدا
شوفوها وفرجوا ولادكم عليها
وفهموهم بتتكلم عن إيه
وإيه هى القدس
ملحوظة: اللى حيقول إن اللحن والكلمات مسروق من اغنية عن مصر
أقول له: وماله.. فرجوا ولادكم على الإتنين وعرفوهم قيمة الإتنين وخلوهم يحبوا الإتنين
الأحد، 25 أبريل 2010
القدوة والأمل
النهاردة وأنا بسمع الراديو
سمعت أغتية بحبها جدا عن مصر
وهى أغنية أم الدنيا
بس لاحظت حاجة غريبة شوية
الأغنية بتتذاع بمناسبة عيد تحرير سيناء
وبتتكلم عن الرموز المصرية وذكرت:
عم نجيب : أديب
زويل: عالم مصرى أمريكى
ثومة: كوكب الشرق - مطربة
العندليب: مطرب
داليدا: مطربة
بليغ: ملحن
الخطيب: لاعب كرة
عمر الشريف: ممثل
عادل إمام: ممثل
حسن شحاتة: لاعب كرة ومدرب
جميل جميل.. كل دول أنا بحبهم وبحترمهم بجد والله
لكن....
ماعندناش رموز تانية؟
مافيش علماء ومخترعين؟
أطباء ومهندسين وعسكريين؟
أدباء وإعلاميين؟
مدرسين ومحاميين؟
ناس بسطاء وشرفاء نضرب بيهم المثل؟
أكيد فى ناس كتييييييير ممكن يكونوا قدوة ومثل أعلى لينا ولولادنا
أكيد البلد زى مافيها الإسود فيها الأبيض
أكيد فى نماذج نفتخر بيها
علشان كده أنا بفكر أعمل مدونة أسميها القدوة والأمل
ننشر فيها السيرة الذاتية للناس
اللى شايفين إنهم قدوة
واللى يدونا أمل إننا لسه كويسيين
لو حد يحب يشترك معايا فى المدونة دى أهلا وسهلا
لو حد عايز يبعتلى مواضيع أنشرها فيها أهلا وسهلا
لو الفكرة مش قد كده ياريت تقولولى
فلا خاب من إستشار
الأربعاء، 21 أبريل 2010
نهر النيل والخطر القادم
ذكرت تقارير صحفية أن تصاعد الأزمة بين دول منابع النيل السبع من جهة، ودولتي المصب "مصر والسودان" من جهة أخرى، أصبح يهدد الأمن القومي والمائي للبلدين مما ينذر بحرب مائية حقيقية وذلك في أعقاب فشل اجتماعات شرم الشيخ الأخيرة في تقريب وجهات النظر بين الفريقين.
وزاد من حدة الخلافات، إعلان دول المنبع اعتزامها التوقيع بشكل منفرد على اتفاق إطاري جديد لمياه النيل، مستبعدة مصر والسودان من الأمر، ومعلنة رفضها لما طرحته الدولتان سواء من شروط للتوقيع على اتفاق جديد للمياه، أو للتوصل إلى حلول توافقية للأزمة من قبيل إنشاء مفوضية جديدة للنيل.
في هذه الأثناء، أكد العديد من الخبراء والسياسيين لصحيفة "الخليج" الإماراتية، أن هناك خطراً كبيرا بات يتهدد الأمن القومي المصري، واتفق هؤلاء على أن هناك عوامل خارجية لعبت ومازالت، دوراً كبيراً في تأجيج الأزمة بين دول حوض النيل، ويأتي في مقدمتها التواجد الإسرائيلي في دول الحوض الذي يستهدف في المقام الأول إضعاف مصر، وتضييق الخناق عليها، إضافة إلى استهداف العمل على تقسيم السودان وتغذية مطالب الانفصال لدى عدد من أقاليمه.
بداية يقول الخبير الاستشاري الدكتور ممدوح حمزة إن موقف دول منابع النيل كان متوقعاً، مرجعاً ذلك إلى أن هذه الدول لا تتحرك بدافع من نفسها، لكن هناك من يقف وراءها ويحرضها ويقوي شوكتها من قبل دول الغرب وإسرائيل، مشيراً إلى أن ما يدعم موقف هذه الدول أيضاً ذلك الضعف الذي تعاني منه الدبلوماسية المصرية في تلك المنطقة المهمة من العالم.
وعبر حمزة عن تشاؤمه إزاء البدائل المطروحة أمام مصر في حال تفاقم الأزمة وتصاعدها مع دول حوض النيل، مشيراً إلى أن ما هو موجود في بحيرة ناصر من احتياطيات مائية لا يكفي مصر لأكثر من ثلاث سنوات، كما أن مصر تعاني من قلة الأمطار والمياه الجوفية معتبراً أن تفاقم الأزمة يهدد بحدوث "مجاعة" في مصر مثل تلك التي حدثت عام 1120 ميلادية بسبب نقص الفيضان.
واضاف إن مصر ليس لديها سوى حماية مصالحها والدفاع عن أمنها القومي بكل الوسائل، مشيراً إلى أن موقف دول منابع النيل المتعنت ضد مصر والسودان هو موقف غير مبرر ويستدعي مواجهته بكل حسم.
من جانبه، حذر عبد الله الأشعل مساعد وزير الخارجية المصري السابق، من أن المنطقة مقبلة على حرب مائية حقيقية، مشيراً إلى أن ما حدث في اجتماعات شرم الشيخ يمثل تطوراً خطيراً في الموقف، بعد أن بات الحديث واضحاً عن فصل مصر والسودان عن بقية دول الحوض ولجوء دول المنابع إلى توقيع منفرد على اتفاقية لا تتضمن استجابة للمطالب المصرية والسودانية.
وزاد من حدة الخلافات، إعلان دول المنبع اعتزامها التوقيع بشكل منفرد على اتفاق إطاري جديد لمياه النيل، مستبعدة مصر والسودان من الأمر، ومعلنة رفضها لما طرحته الدولتان سواء من شروط للتوقيع على اتفاق جديد للمياه، أو للتوصل إلى حلول توافقية للأزمة من قبيل إنشاء مفوضية جديدة للنيل.
في هذه الأثناء، أكد العديد من الخبراء والسياسيين لصحيفة "الخليج" الإماراتية، أن هناك خطراً كبيرا بات يتهدد الأمن القومي المصري، واتفق هؤلاء على أن هناك عوامل خارجية لعبت ومازالت، دوراً كبيراً في تأجيج الأزمة بين دول حوض النيل، ويأتي في مقدمتها التواجد الإسرائيلي في دول الحوض الذي يستهدف في المقام الأول إضعاف مصر، وتضييق الخناق عليها، إضافة إلى استهداف العمل على تقسيم السودان وتغذية مطالب الانفصال لدى عدد من أقاليمه.
بداية يقول الخبير الاستشاري الدكتور ممدوح حمزة إن موقف دول منابع النيل كان متوقعاً، مرجعاً ذلك إلى أن هذه الدول لا تتحرك بدافع من نفسها، لكن هناك من يقف وراءها ويحرضها ويقوي شوكتها من قبل دول الغرب وإسرائيل، مشيراً إلى أن ما يدعم موقف هذه الدول أيضاً ذلك الضعف الذي تعاني منه الدبلوماسية المصرية في تلك المنطقة المهمة من العالم.
وعبر حمزة عن تشاؤمه إزاء البدائل المطروحة أمام مصر في حال تفاقم الأزمة وتصاعدها مع دول حوض النيل، مشيراً إلى أن ما هو موجود في بحيرة ناصر من احتياطيات مائية لا يكفي مصر لأكثر من ثلاث سنوات، كما أن مصر تعاني من قلة الأمطار والمياه الجوفية معتبراً أن تفاقم الأزمة يهدد بحدوث "مجاعة" في مصر مثل تلك التي حدثت عام 1120 ميلادية بسبب نقص الفيضان.
واضاف إن مصر ليس لديها سوى حماية مصالحها والدفاع عن أمنها القومي بكل الوسائل، مشيراً إلى أن موقف دول منابع النيل المتعنت ضد مصر والسودان هو موقف غير مبرر ويستدعي مواجهته بكل حسم.
من جانبه، حذر عبد الله الأشعل مساعد وزير الخارجية المصري السابق، من أن المنطقة مقبلة على حرب مائية حقيقية، مشيراً إلى أن ما حدث في اجتماعات شرم الشيخ يمثل تطوراً خطيراً في الموقف، بعد أن بات الحديث واضحاً عن فصل مصر والسودان عن بقية دول الحوض ولجوء دول المنابع إلى توقيع منفرد على اتفاقية لا تتضمن استجابة للمطالب المصرية والسودانية.
وأكد أن هناك تحريضاً إسرائيلياً واضحاً أدى إلى تصاعد الأزمة في حوض النيل، وذلك رغم "العلاقات الحميمة" بين القاهرة وتل أبيب، معتبراً أن ما تقوم به إسرائيل في هذه المنطقة الاستراتيجية من القارة الإفريقية يمثل ضربة للعلاقات مع مصر، مشيراً إلى أن الخبراء المصريين حذروا مئات المرات من ضياع الدور المصري في إفريقيا.
وحسب الاشعل، فإن الحكومة المصرية تتحمل مسؤولية التقصير في المواجهة المبكرة للأخطار التي تحيط بأمن مصر المائي، حتى وصل الأمر بدول المنبع إلى أن تسعى إلى إقرار اتفاقية خاصة بها تستبعد منها مصر والسودان وتشكل تكتلاً ضدهما ما يعد تهديداً مباشراً لأمن الدولتين.
من جانبه، قال هاني رسلان رئيس وحدة الدراسات السودانية بمركز الأهرام للدراسات السياسية والاستراتيجية، إن موقف دول المنابع في شرم الشيخ كان عدائياً في مواجهة الموقفين المصري والسوداني ورافضاً لكل ما يصدر عنهما من اقتراحات، مشيرا إلى أن النقاط الخلافية الثلاث بين دولتي المصب ودول المنابع لم تكن فنية وإنما ذات طابع سياسي.
واضاف: "يجب أن تستمر مصر في استخدام كل الوسائل الدبلوماسية والقانونية للدفاع عن مصالحها والحفاظ على حصتها من المياه، مشدداً على أن هذه المسألة لا يجب ولا يمكن التهاون في التعامل معها، مشيراً إلى أن مصر يجب أن تعمل من منطلق واحد هو أنه لا يمكن تحت أي ظرف من الظروف التفاوض حول حقها في مياه النيل كما أقرتها الاتفاقيات السابقة وأن هذا الحق لا يملك أحد التنازل عنه أو التهاون بشأنه".
وأوضح أن دول منابع النيل تريد التفاوض على كميات المياه المتدفقة في نهر النيل فيما تتحدث مصر عن كميات المياه في حوض النيل، وهي كميات ضخمة للغاية وتهدرها دول الحوض التي لا تعتمد بشكل أساسي على مياه مجرى النيل، فيما تعتمد مصر عليها بنسبة تتجاوز ال95 في المائة من تلبية احتياجاتها المائية.
وحسب الاشعل، فإن الحكومة المصرية تتحمل مسؤولية التقصير في المواجهة المبكرة للأخطار التي تحيط بأمن مصر المائي، حتى وصل الأمر بدول المنبع إلى أن تسعى إلى إقرار اتفاقية خاصة بها تستبعد منها مصر والسودان وتشكل تكتلاً ضدهما ما يعد تهديداً مباشراً لأمن الدولتين.
من جانبه، قال هاني رسلان رئيس وحدة الدراسات السودانية بمركز الأهرام للدراسات السياسية والاستراتيجية، إن موقف دول المنابع في شرم الشيخ كان عدائياً في مواجهة الموقفين المصري والسوداني ورافضاً لكل ما يصدر عنهما من اقتراحات، مشيرا إلى أن النقاط الخلافية الثلاث بين دولتي المصب ودول المنابع لم تكن فنية وإنما ذات طابع سياسي.
واضاف: "يجب أن تستمر مصر في استخدام كل الوسائل الدبلوماسية والقانونية للدفاع عن مصالحها والحفاظ على حصتها من المياه، مشدداً على أن هذه المسألة لا يجب ولا يمكن التهاون في التعامل معها، مشيراً إلى أن مصر يجب أن تعمل من منطلق واحد هو أنه لا يمكن تحت أي ظرف من الظروف التفاوض حول حقها في مياه النيل كما أقرتها الاتفاقيات السابقة وأن هذا الحق لا يملك أحد التنازل عنه أو التهاون بشأنه".
وأوضح أن دول منابع النيل تريد التفاوض على كميات المياه المتدفقة في نهر النيل فيما تتحدث مصر عن كميات المياه في حوض النيل، وهي كميات ضخمة للغاية وتهدرها دول الحوض التي لا تعتمد بشكل أساسي على مياه مجرى النيل، فيما تعتمد مصر عليها بنسبة تتجاوز ال95 في المائة من تلبية احتياجاتها المائية.
الثلاثاء، 13 أبريل 2010
نظرية المؤامرة
النهاردة وأنا راجع من الشغل
كان راكب معايا زميل وصديق
كنا نتحدث عن الأزمة الطااااااحنة التى يمر بها الوطن
والتى تركت أثرها على العديد والعديد من أبناء الشعب الشرفاء
وهى أزمة
الحشيش
وأسبابها
فأكد لى زميلى العزيز أن هذه الأزمة
مخطط يهودى
نعممممممممممممممم
ده أنا اللى قولت كده
فنظر لى نظرة العارف ببواطن الأمور
ومستخفا بنظرتى السطحية للأحداث
أه طبعا أومال إنت فاكر إيه؟
قولت له طيب إيه هى أبعاد المؤامرة؟
قالى علشان لما الناس مايلاقوش حشيش
حيتحولوا لمدمنين
اللهم طولك ياروح.. أومال الزفت ده إيه؟
قالى إيه بقى:
الحشيش مش إدمان, ده مزاج بتاع وقته
لكن لما مايبقاش فيه حشيش
الناس حتتجه للبانجو والبرشام
وده حيخليهم مدمنين
وبكده البلد حتتأثر
لأن الناس مش حتشتغل
إيه رأيكم فى النظرة المبعدية التفحلقية للأزمة الحشيشية
لأ وكل مصيبة تحصل لنا تبقى مؤامرة يهودية أمريكية صهيونية إمبريالية
فكرونى المرة الجاية أكلمكم عن المخطط الصهيونى لبناء الطريق الدائرى
والله بتكلم بجد
فى واحد مهندس المفروض إنه متعلم مثقف محترم قالى كده
الاثنين، 5 أبريل 2010
معايدة
إمبارح كنت فى شغل بعيييييييد
وماكنش فيه شبكة
وأنا راجع فى الطريق
أول ما تليفونى إشتغل
عملت حاجة أول مرة أعملها بصراحة
إتصلت بكل زملائى وأصدقائى وعملائى
المسيحيين
وعيدت عليهم واحد واحد
وكل واحد كلمته حسيت هو مبسوط قد إيه
أنا فى العادى كسوووووول جدا فى موضوع المعايدة
يعنى كل عيد أقول حكلم أصحابى
ومكلمهومش
كل عيد أم أقول حكلم خالاتى وعماتى
ومكلمهومش
بس إمبارح حسيت إنى لازم أعمل كده
بسبب الظروف اللى بنمر بيها
ولاقيت كل اللى كلمتهم إتيسطوا جدا وشكرونى
وأنا كمان إتبسطت جدا
ويارب بلدنا دايما بخير
ويبعد عنا شر الفتن
أمين
الخميس، 1 أبريل 2010
ست الكل
أنا عندى شغل كتيييييييير
ومطحون
بس مبسوط ومزاجى عنب
علشان بسمع ست الكل
ماجدة الرومى
وأنا شغال
وبمناسبة البوست اللى فات
بسمع أغنية
كن صديقى
نياهاهاهاهاهاهاهاهاهاه
(ضحكة شريرة)
الأحد، 28 مارس 2010
صداقة من نوع مختلف
السؤال اللى ناس كتير مختلفة على إجابته
هو فى صداقة بين ولد وبنت؟
ناس كتير بتقول أه طبعا وإيه المشكلة؟
وظهرت موضة صاحبتى الأنتيم للولاد
وصاحبى الأنتيم للبنات
طيب هو الكلام ده ينفع؟
يعنى مثلا الشاب يحكى لصاحبته الأنتيم عن حبيبته
أو بعد المحاضرة أو الشغل ينزلوا مع بعض علشان تشترى هدوم جديدة
أو هى تكون نفسيتها تعبانة شوية بسبب قصة الحب اللى عايشاها
فتجرى تقابل صاحبها وتقعد تحكيله وتفضفض وتعيط
وهو قاعد جنبها يمسح دموعها ويطبطب على ضهرها
طيب دول الشباب اللى لسه مش مرتبطين
طيب ينفع مثلا إن واحد يقول لمراته:
معلش يا حبيبتى أنا النهارده حتأخر شوية
حنزل مع سوسو صاحبتى تشترى شوية حاجات
فهى ترد وتقوله: وماله يا روحى أنا كمان حقابل ميدو صاحبى
أصل ياعينى حالته صعب خالص ومراته منكده عليه عيشته
طيب يعنى ما ينفعش يكون فى صداقة بين الرجل والمرأة؟
رايى الشخصى إن كل شىء لازم يكون له حدود
أنا ليا زميلات كتير من أيام الجامعة ومن الشغل
وبنتقابل فى مناسبات كتير
لكن العلاقة بينا لازم يكون ليها حدود
ودلوقتى أعرف ناس كتير من عالم التدوين وليا شرف معرفتهم
واتمنى أقابلهم فعليا واتواصل معاهم
لكن أنا مش مع الرأى اللى بيقول إن عادى يبقى فى صداقة بين الجنسين
يعنى ماينفعش إتنين يخرجوا لوحدهم يروحوا السينما مثلا
تحت أى مسمى إننا زى الإخوات
أو إن الولد ده زى إبنى
أو إنه فى عمر أبويا
كل ده فى رأيى الشخصى حجج فارغة
الرجل والمرأة مثل قطبى المغناطيس
يجب أن تكون بينهما دائما مسافة كافية
وإلا سيحدث إنجذاب لا إرادى لقطبى المغناطيس
بس خلاص
السبت، 27 مارس 2010
الخميس، 25 مارس 2010
برج دبى
برج دبى
مفخرة الإمارات
أعلى بناء فى العالم
تشاهده من أى مكان فى دبى
دليل حضارة وعلو شأن الإمارات
يدل على .........
ستوووووووووووووب
إيه يا عم خير فى إيه؟
لا أبدا أنا عايز أقول رأيى فى الموضوع ده بس
رأى إيه خير اللهم أجعله خير.. مش عاجبك البرج ولا إيه؟
لأ طبعا عاجبنى ونفسى أزوره كمان
أمال إيه؟
كل اللى حضرتك بتقوله ده صح ميه فى الميه بس إحنا إستفدنا إيه بالبرج ده؟
بقى عندنا أعلى برج فى العالم .. مش كفاية دى؟
أنا كان عندى إقتراح تانى ممكن يتعمل بالفلوس دى
؟؟
كنا نزرع أكبر مزرعة فى العالم
ودى فين دى إن شاء الله؟
السودان.. شوف بقى الحلم ده.. كنا بالفلوس دى وشباب كتييييييير مش لاقى شغل وبأرض خصبة مش محتاجة مجهود كبير كنا زرعنا اللى يكفى الوطن العربى كله وعملنا مزارع ماشية وكنا أكلنا الوطن العربى كله لحمة ورخيصة كمان
وإيه المشكلة إحنا بناكل اللحمة دى كل يوم
أه طبعا.. بس فى ناس عندنا فى مصر بيشوفوها من العيد للعيد ودول يحمدوا ربنا
لأن فى ناس فى السودان والصومال ودول تانية بيموتوا من الجوع
وده بجد مش مبالغة
:(
طيب شوف كمان ممكن نعمل إيه.. ممكن نعمل مراكز أبحاث ونشجع العلماء والمخترعين ونديهم فلوس تخليهم مايطفشوش على بلاد بره.. ونعمل عندنا نهضة علمية وتكنولوجية
همممم ممكن
طيب بلاش دى.. إحنا بالفلوس دى نعمل مصانع كتير كبيرة ونعمل مصانع أكتر صغيرة ونشارك بيها ألاف الشباب .. نخليهم يشتغلوا ويكسبوا ويكسبونا ويتجوزوا ويتحولوا لناس منتجة يرفعوا بلدهم فوق ويرفعونا كلنا معاهم.
إيه يا عم الحقد ده.. كل ده علشان بنينا البرج اللى بنفتخر بيه كلنا كعرب؟
لأ ده مش حقد ولا حاجة بس ممكن تجاوبنى على الكام سؤال دول
- الفلسطينيين المحتلين اللى مش عارفين ياخدوا حقوقهم بيفتخروا بالبرج ده كعرب؟
- السودانيين اللى بعضهم عندهم مشاكل وبيعانوا من المجاعة بيفتخروا بالبرج ده كعرب؟
- الصوماليين.. بيفتخروا بالبرج ده كعرب؟
- الموريتانيين.... بيفتخروا بالبرج ده كعرب؟
- أى مواطن فى أى دولة عربية مش لاقى قوت يومه بيفتخر بالبرج ده كعرب؟
إستنى شوية.. وأنا مالى بكل اللى بتقوله ده؟
أومال إيه كعرب دى؟.. طيب سايبنى ورايح فين؟
رايح أبدأ فى بناء مدينة دبى الرأسية اللى قد البرج ده مرتين
إنا لله وإنا إليه راجعون
ملحوظة مهمه: أنا بحب الشعب الإماراتى جدا جدا يعنى البوست ده مش هجوم عليهم بس هما ممكن مايكونوا مش واخدين بالهم لأنهم عايشين فى عالم تانى وممكن لو كنا مكانهم كنا عملنا كده وأكتر
وأنا بعبر عن مجرد أحلااااااااااااااااااام
سؤال مش عارف إجابته: هى ليه دول كتييييير أغنى وأكثر تقدما مابتحاولش تبنى أعلى برج فى العالم؟!!
