Recent Posts

الجمعة، 19 فبراير، 2010

إبداع

أنا لما شوفت اللوحات دى إنبهرت

حقيقي إنبهرت

وعرفت إن العالم خسر فنان عبقرى زى ده

أنا مش عارف أسامى اللوحات

علشان كده سميتها حسب فهمى ليها

إنفرجوا وإنبسطوا وخمنوا مين اللى رسم اللوحات.............قصدى الإبداعات دى


قارة أمريكا الجنوبية من منظور حلزونى


أحدث خطوط الموضة من NIKE (شايفين علامة صح الصغننة دى؟)


الأهرامات من منظور واحد واقف على دماغه والرملة السخنة لحست مخه


سطوع قمر كوكب حلبسه من خلال الطين الأسمر فى السماء الصفراء


سائح أخضر ينظر مندهشا إلى الأهرامات السوداء رافعا حواجبه الحمراء

علبة سجاير ومغازلة تحت المطر

لوحة أبيحة

تليفزيون وشباك وحوض سمك 3 فى 1

لأ... دى االلى كان بينضف الفرش عليها

فعلا إبداااااااااااااااااع

حد عارف مين ده؟

8 التعليقاااااااات:

Wanda يقول...

:-)
حد اسمه كونوسوم ؟ و اترسمت فى 2009 ؟

و لا عبقرية حد من اولاد حضرتك ؟؟

و الله لو كده يبقى مبروك عليك العيلة حتتغنى بس بعد حين :-)))

خواطر شابة يقول...

هذه يا أما ذكريات من طفولة مت تذكرتها اليوم او هي ابداعات أحد أولادك وغالبا هذا هو الح لانك علقت عليها بحب
طب اللي يعرف جائزته ايه

العيسوى الصغير يقول...

دا فن تشكيلى أو تجريدى أو سريالى
وممكن الثلاثة على بعض

ستيته حسب الله الحمش يقول...

ده فن من بتاع فاروق حسني
وحسني يا حسني حاسب أوع تدوسني
ولو مكنش بتاع حسني
يبقى ينفع فوزي
او فهمي
او نظمي
لكن مؤكد مؤكد ده واحد لاسع رسمي

انا أكره الفن السريالي التخيلي التجريدي المنبثق من الآمان يا لالالي

محمد فؤاد (صاحب عمود النور) يقول...

دا فاروق حسنى
فعلا فنااااااااان
بس انا مش فاهم حاجه
هو شكله سيريالى
اه هو سيريالى
سيريالى سيريالى ياعم سبنى فى حالى

كلام عيب يقول...

ده الباشا الكبير فاروق باشا حسنى
اصل انا اتشرفت بلوحات ليه قبل كده و اتحرق دم اهلى ساعتها
و يا سلام و انت سامع يسرا بتتغزل فى الفن الرفيع و لا عمق الخطوط الاساسيه اللولبيه
لا و كمان اللوحه بتتباع بعشره الاف جنيه
غالبا دى كانت تخليص ممارسه و لا ترسيه مناقصه
هههههههههههههههههههههه

أبو حميد يقول...

Wanda
=====
لا يافندم مش عبقرية حد من ولادى
أنا ولادى مستواهم أحسن من كدا بكتيييييييير
نورتى المدونة

خواطر شابة
==========
لا دى مش طفولتى أبدا ... أنا الحمد لله كانت طفولتى أحسن من كده
وبعدين فين الحب اللى فى التعليقات ده؟
جايزة اللى يعرف لوحة من دول :))

العيسوى الصغير
==============
إنت اللى جيبتها من الأخر
هما التلاتة على بعض

ستيته حسب الله الحمش
==================
الدكترة برضه مش ببلاش :)
هو حسنى بتاع الأمان يلالالى

محمد فؤاد (صاحب عمود النور)
==========================
فعلا يا باشا هو فاروق باشا
منور يا صاحب عمود النور

كلام عيب
=========
المدونة نورت يافندم
بس بالذمة مش الخطوط الأساسية اللولبية عميقة؟

أبو حميد يقول...

دا الموقع بتاع الفنان
http://www.faroukhosny.com/Art/Paintings/2007Collection/tabid/332/Default.aspx
علشان تنبهرووووووووا
عاااااااااااااااااااا

إرسال تعليق