Recent Posts

الأربعاء، 3 فبراير 2010

السر؟


كل واحد عنده سر
جوا منه ومداريه
طبعا كلنا سمعنا الأغنية دى
وأكيد كل واحد فينا عنده
سر مش عادى
1- بنحكى أسرارنا لمين؟
2- ينفع نخبى عن شريك حياتنا سر مش عادى من الماضى؟
3- ينفع نخبى عن شريك حياتنا سر عادى فى الحاضر؟
4 - ينفع نخبى عن شريك حياتنا سرمش عادى فى الحاضر؟
5- هو من حقنا أصلا يكون فى أسرار مستخبية عن شريك حياتنا؟
6- حد فيكم عنده سر مضايقه ممكن يقوله لينا ومايبقاش سر؟

7 التعليقاااااااات:

خواطر شابة يقول...

6 المثل بيقول السر لو تعدى اتنين يبقى مش سر وانت عايز سر على أمة البلوجر كلها طب تيجي ازاي هههه
1 انا عن نفسي كتومة باسمع اكثر ما بتكلم يعني ناس كثير بيستودعوني اسرارهم ويحسوا بأمان واوقات خصمين وكل واحد بيكون متأكد حتى لو شافني مع التاني ان اسراره في امان لكن انا صعب جدا اني افشي سر ليا
2 لو كان ملوش علاقة به ولاحيأثر على علاقتي معاه وانتهى وملوش اثر في الحاضر اه ينفع أخبي
3و4 لا الماضي ملكي انما الحاضر مشترك ومينفعش اخبي فيه لاسر عادي ولا مش عادي الوضوح والصراحة افضل
5 الماضي ملكي وحدي ممكن فيه اشياء احتفظ بها لنفسي لكن من وقت الارتباط مينفعش تكون في اسرار بينا ايا كان نوعها

الجواز و سنينه يقول...
أزال المؤلف هذا التعليق.
الجواز و سنينه يقول...

الاسرار على الازواج طبعا مش شيئ كويس لان كده والوحد هيحس انه ماشى فى حياتى و هو خايف من حاجه تتكشف
و ده مش هايخلى هناك افتقاد للامان اللى هو اساس الحياه الزوجيه
اما بخصوص ان لو فيه سر فاكيد لو حد عنده مش هايقوله على الملاء كده و على عينك يا تاجر
اما لو عنده سر من الماضى فمتهيألى هايخبيه عن شريك حياته
المهم انه مايكونش فيه اسرار مستقبليه
و مش بحس عندى اسرار مش عارفه ليه
لانى مش بحبها

الجواز و سنينه يقول...
أزال المؤلف هذا التعليق.
wella يقول...

جيت على المنطقة الممنوعة الاسرار عالم الخبايا

بص اكيد اكيد مش كل حاجة بتنقال بس لشريك لازم تبقى كل حاجة تبقى مكشوفة بس مش عارفة ممكن يحكيلة عن الماضى ولا لا مش عارفة على حسب الحاجة دى هديقة ولا لابس اظن المستقبل والحاضر اهم من الماضى


مدوتك لذيذة اتشرفت انى زورتها طبعا اكيد نورتها ولا اية

تحياتى اليك

مصطفى ريان يقول...

ازيك يا صاحيى يارب تكون بخير وفي احسن صحه وحال
بص يا عم
اولا : انا متشكر قوى لمجئيك اليوم حفله التعوقيع بجد بجد نورتنى واسعدتنى وفرحت انى شوفتك بعيدا عن حاجز الشاشه ده لينك صور الحفل على الفيس على بال مانوله في المدونه
http://www.facebook.com/album.php?aid=10894&id=100000515614266&ref=nf
ثانيا : بص يا عم انا شخصيا لسه ماليش شريك حياه
بس السر مايتقالش إلا لصديق حميم قوي تبقى واثق انه حتى لو جصل بينكم مشكله واتفرقتو فمش هيفتش سرك لحد ده اساسي طبعا انكواثق من رأيه
اما الاسرار لشريك الحياه فطبعا ماينفعش كل حاجه تتقال خاصه للستات وخاصه لو كانت ماضي يعنى حكيها لا هيقدم ولا هيأخر
صحيح ماينفعش يكون بين الراجل ومراته اسرار لكن لما يكون كلام ممكن يخرب البيت او يجيب مشاكل مالهاش لازمه يبقي الاحسن يتقال
ده رأيي ولك منى كل التحيه والمحبه يا اخى

أبو حميد يقول...

خواطر شابة
----------
طالما إنك كتومة كده إبقى فكرينى أقولك على سر جامد
شكرا على مرورك المستمر على مدونتى المتواضعة

الجواز وسنينه
------------
هو انت ليه عماله تمسحى تعليقاتك؟
وأول مرة أشوف حد ماعندوش أسرار
تقبلى تحياتى

WELLA
-----
شكرا على المجاملة دى
وطبعا نورتى المدونة

مصطفى ريان
----------
يافندم أنا أسعد برؤيتك
بالتوفيق دائما

إرسال تعليق