Recent Posts

الأربعاء، 5 يناير 2011

منوعات

بكرة إن شاء الله مدونتى المتواضعة تتم سنة واحدة
أنا ولا شاعر ولا أديب
ولا ليا توجهات سياسية ولا حزبية
أنا إنسان مصرى عادى
وبكتب كلام أقل من العادى
-------------------------------------------
أحسن حاجة حصلت من التدوين
معرفتى بأشخاص كتير رائعين
من أعمار وثقافات مختلفة
وطبعا المشاركة فى أعمال الخير
------------------------------------------
فى ناس كتير قابلتهم على الحقيقة
وناس ماحصليش الشرف
بس فعلا كل الناس اللى عرفتهم أضافولى كتير
غير إنى طلعت بأصدقاء محترمين
مش حقول أسامى بس أكيد الناس بتحس ببعضها
=====================================
مش عايز أتكلم عن أحداث إسكندرية
الواحد فعلا حزين لأقصى درجة
وحزين كمان لخلط الأوراق بسبب الحادثة دى
=====================================
لقاء المنصورة يوم الجمعة الماضية كان أكثر من رااااائع
إتبسط جدا جدا من اليوم ده
علشان عمل الخير
وعلشان الناس الجميلة اللى قابلتهم واللى إتعرفت عليهم
======================================

22 التعليقاااااااات:

غير معرف يقول...

كل سنه والمدونه فى ازدهار
كل سنه وانت بخير يا باشمهندس

صيدلانيه طالعه نازله يقول...

كل سنه و انت طيب يا باشمهندس
و سنه جديده سعيده على المدونه
انا كمان اتشرفت لمعرفه حضرتك على الحقيقه
و بصراحه حضرتك انسان مثقف وواعى

ربنا يديم المعروف بيننا كلنا

خواطر شابة يقول...

كل سنة وانت طيب وعقبال سنين جاية حافلة بالنجاحات وتحقيق المنى
دمت بكل الود

فاتيما يقول...

يااااه

دا اول عيد ميلاد للمدونة ؟!!

تصور يتهيألى ان بقالك اكتر ؟!!

كل سنة وانتا طيب
وعقبال كل عيد

خالص ودى يا باشمهندس

:)

غير معرف يقول...

كل سنه وحضرتك طيب ومدونتك بخير

ولا انا كمان حابه اتكلم عن احداث اسكندريه :(

تحياتي

أحمد عبد الحميد يقول...

الحــب الجميـــل
==============
وإنت طيبة ربنا يخليكى
فين الإزدهار ده أنا قربت أقفلها خلاص

أحمد عبد الحميد يقول...

صيدلانيه طالعه نازله
===================
دكتورة ربنا يخليكى... ده من ذوقك
لما أنا مثقف وواعى إنت بتطلعى عينى وتزعقيلى ليييييييه؟
والله أنا اللى إتشرفت بمعرفتك إنت والدكتور أشرف

أحمد عبد الحميد يقول...

خواطر شابة
==========
شكرا يا فندم
وحضرتك من الناس اللى أنا إتشرفت بمعرفتهم جدا
ده كفاية الليالى

أحمد عبد الحميد يقول...

فاتيما
======
إزيك يا أم يوسف
تخيلى ده أول عيد ميلاد؟
طبعا لازم تحسوا إن بقالى كتير
هى الناس المؤثرة كده (شوفتى التواضع؟)

لأ إنت بيتهيألك إن بقالى كتير علشان بناكفك كتير

خالص ودى وإحترامى

أحمد عبد الحميد يقول...

فتاه من الصعيد
============
وإنت طيبة وبخير دايما
أنا ما بقيتش عايز أتكلم فى حاجة أصلا

sony2000 يقول...

يااااااااااااااااربناااااااااااا
يعني اكبر مني
بكام شهر بس
ماشي
مااااااااااااااااااااشي
كل سنه وانت طيب:)
وهي طيبه كمان

nigro يقول...

تصدق يا هندسة أنا فاكرك لاضم في بلوجر من قبل كده
طلعت مدونتك لسه مكملة سنة و يادوبك بتسنن
كل سنة و انت طيب يا كبير
الدكاترة بيقولوا ان لما المدونة توصل للسن ده
عليك بالزبادي و المعسل
:))

حنعيش يعنى حنعيش يقول...

كل سنة وانت طيب وعقبال ميت سنه ... وعلى فكرة مش بالعمر... انت مدونتك علمت من قبل ما تكمل حتى السنه ... تحياتى لعقلك وتفكيرك

P A S H A يقول...

كل سنة وأنت أبو حميد عشان نبقى بخير
‏:)
أنت من أجمل الناس اللي عرفتها بجد
‏:)
بالمناسبة السعيدة دي أحب أهديك ذكرى صاروخية مهلبية ميه ميه . . فاكر ال (نقط) اللي كان قاعد قدامنا ع القهوة يا أحمد عند زينب خاتون؟
لو كنت نسيت اعتبرني ما أعرفكش هههههههههههه
كل سنة وأنت طيب وبخير وبألف صحة وسعادة إن شاء الله ومشرف البلوجر بمدونتك الراقية
‏:) ‏

الطائر الحزين يقول...

كل عام انت بخير يا هندسة

شرفت بمعرفتك جدا
بارك الله فيكم

أحمد عبد الحميد يقول...

sony2000
========
شوفتى بقى
علشان بقول للناس أنا صغنون والناس مابتصدقش
شكرا يا فندم

أحمد عبد الحميد يقول...

nigro
=====
هو أنا لاضم فى بلوجر من زمااان بس متابع بس
وبعدين الموضوع مش بالسن على فكرةهو إنت قولتلى إنت دفعة كام؟ :)))))
أنا من إمبارح فاتح المدونة وداهن شاشة اللاب توب زبادى وعسل ومافيش فايدة

أحمد عبد الحميد يقول...

حنعيش يعنى حنعيش
================
وحضرتك طيب يا دكتور
وكلامك ده وسام على صدرى والله
ده أنا بفكر أطبع تعليقك وأبروزه وأعلقه

أحمد عبد الحميد يقول...

P A S H A
=========
شريف باشا حبيبى
شكرا يا فندم والله إنت بتحرجنى دايما بذوقك
وبعدين طبعا فاكر وهى دى حاجة تتنسى؟
بلاش تقلب علينا المواجع
:))))))))))))

أحمد عبد الحميد يقول...

الطائر الحزين
===========
أستاذ إيهاب وحضرتك طيب
أنا فعلا إتشرفت بمعرفة حضرتك فى اللقاء الماضى
ربنا يديم المعروف

nigro يقول...

عسل إيه يا كبير اسم الله على مقامك
معسسسسل
و يكون قص كمان
:)))
و أنا دفعة 2008
2008
2008
2008
ألفين و تمانياااااااااااااة :((

رحاب صالح يقول...

السلام عليكم
اول زيارة وكنت عايزة تبق علي حاجة حلوة والحمد لله علي عيد ميلاد مدونتك
كل سنة وانت وهي بخير
ومش عايزة تكون زعلت مني ....عشان التعليق عند الغالية فاتيما
بس انا كنت بقول وجهه نظر وانا عارفة ان كلامك كله صحيح جدا
اتمني اكون ضيفه خفيفة علي المدونة.....

إرسال تعليق