Recent Posts

الاثنين، 17 يناير، 2011

36


النهارده عيد ميلادى ال36
بجد بجد
مش عارف 36 ده رقم صغير ولا كبير
بس اللى أنا عارفه 
إن سنة كامل عدت من عمرى
وفى السنة دى حصلت حاجات حلوة وحاجات مش حلوة
يعنى عمر دخل أولى إبتدائى
ونور بقى لمض زيادة
وجبت عربية جديدة
وفى الشغل الناس مبسوطين منى أكتر
بس فى الشغل أنا مش مبسوط 
لأنى شايف إن السنة دى مافيهاش أى جديد

أكتر حاجة مش حلوة
إن ده أول عيد ميلاد ليا
أبويا مايتصلش بيا
ويقولى كل سنة وإنت طيب يا أبو حميد
وعقبال ميت سنة

نست أقولكم إن إسم المدونة وإسمى ده (أبو حميد)
كان دلع أبويا ليا
رحمة الله عليه

7 التعليقاااااااات:

الطائر الحزين يقول...

جعل الله عمرك كله فى طاعة

richardCatheart يقول...

كل سنه وانت طيب يا ابو حميد
ويارب عقبال مللللللللليون سنه وانت فرحنا بنور وعمر

وشايل ولاد ولادهم يارب

لولا الحاجات الوحشه وماكنتش عرفت قيمه الحاجات الحلوه يا ابو حميد

ربنا يكتر فرحك ومن خيره يديك ويسعدك انت واهلك وناسك

ويرحم والدك يارب ويكون فخور بيك وهو فى حسن الصحبه صحبه نبينا المصطفى صلى الله عليه وسلم وال بيته وصحبه اجمعين


36 سنه دا مش كتير طبعا لسه بدرى ياعم ان شاء الله عمر مديد وقلب سعيد

الحــب الجميـــل يقول...

كل سنه وانت طيب يا بشمهندس
وربنا يحققك لك كل اللى تتمناه
وفرحان بنور وعمر
يارب

فاتيما يقول...

كل سنة وانتا طيب يا باشمهندس
عقبال كل سنة
وما تتمناه يتحقق
واحسن منه الف مرة

بالنسبة للوالد الله يرحمه
فالبركة فيك

عيد ميلاد سعيد عليك
يا رب

اختك
ام يوسف
:)

عمرو يسرى يقول...

كل سنه وانت طيب

همس الاحباب يقول...

كل سنة وانت طيب وعقبال 100 سنة صحة وسعادة
وربنا يرحم الوالد ويسكنه فسيح جناته
تعيش وتفتكر يا باشا
تحياتى

أبو حميد يقول...

شكرا ليكم كلكم فرد فرد
أسف إنى مش عارف أرد عليكم واحد واحد لأنى فى الشغل ......عاااااااااا

ربنا يخليكم كلكم وما يحرمنيش من سؤالكم عليا أبدا
تحياتى
أحمد عبد الحميد

إرسال تعليق