Recent Posts

الثلاثاء، 14 ديسمبر، 2010

تدوينة قديمة

لو عندنا الإمكانية إننا نرجع بالزمن لورا
ونغيرحاجة فى حياتنا
تعليم , شغل , جواز , أصحاب.......... إلخ
أى حاجة بس هى حاجة واحدة فقط لا غير
ياترى ممكن تكون إيه؟ 

أنا أول واحد حقول أهو
كنت حرجع أيام الجامعة تانى
وأذاكر بحق وحقيقى 
علشان أفهم مش أنجح وبس
لأنى إكتشفت بعد فوات الأوان
إن اللى كنت بتعلمه مفيد جدا جدا
مش مجرد حشو

مستنى أسمعكم

4 التعليقاااااااات:

خواطر شابة يقول...

هو اللي فات خلاص فات مبيرجعش تاني لكن ايه ضرورة اننا نبص للوراء ونتحسر على ما فات والحاضر والمستقبل بايدينا العلم والمعرفة لاعمر له ولا حدود في الغرب هناك ستينيون وسبعينيون يناقشون الدكتوراه فما الذي يميزهم عنا الميزة الوحيدة انهم الغو كلمة لو من قاموسهم واتجهوا للفعل.
حمد الله لى السلامة نورت بلوجر من تاني.
دمت بكل ود

واحد من الناس يقول...

اممممممممممممممم

فكرت كتير في الحكايه دي

وبرضه لو رجعت هاذاكر بجد وابقى من الأوائل كمان

بجد اكتشفت إني فوت حاجات كتير أوي

حاجات كتير كان مفروض أعرفها ومعرفتهاش

لكن قد حدث ما حدث

ويمكننا البدء من أول وجديد

ويمكننا أن نقرأ الآن بإرادتنا ما كنا نرى أننا مجبرين عليه

تحياتي لك

فتاه من الصعيد يقول...

كنت اتمنى أرجع لعلم الغيب .... ماتخلقش يعني من اصله :)

تحياتي

عمرو يسرى يقول...

كنت هرجع لايامى الاولى افكر ماذا اريد ان اكون فى المستقبل واعمل لنفسى خطوات اسير عليها وابداء فى تنفيذها مبكرا قبل ما العمر مايفوت وتمر بيا السنين واتمنى العوده تانى لايامى الاولى لماكان عمرى يوم او اقل حتى استفيد من الوقت الذى هدرته فى مراحل عمرى المختلفه

إرسال تعليق