Recent Posts

الثلاثاء، 11 مايو 2010

أسرار


فى أسرار لازم تفضل أسرار مهما طال الزمن

وفى حاجات بتكون أحسن حاجة فى الدنيا إننا مانعرفهاش

وفى حاجات بنلح علشان نعرفها وبعدها بنقول ياريتنا ما عرفنا

علشان بتوجعنا أو معرفتنا بيها بتحملنا مسؤليات كبيرة

يبقى لما تكون فيه حاجة بتحصل حوالينا مش واضحة قوى وماتخصناش

بلاش نفضل نسأل ونتدخل ونلح علشان نعرفها


واضح إنى بدأت أخرف

ومش حقول أنا بقول الكلام ده ليه

علشان ده سر


19 التعليقاااااااات:

ستيتة حسب الله الحمش يقول...

انا موافقة وابصم ع الكلام ده
وعن تجربة والله

صيدلانيه طالعه نازله يقول...

و انا كمان اؤيدك
و اعلن موافقتى على الفكره
بس على جنب كده
ايه هو السر بقى؟؟

ghada mOhsen يقول...

صح الصح والله ...

بجد الفضول طبع يوجع القلب والراس أصلا ...

أنا في حاجات في حياتي بحب أخليها سر بيني وبين نفسي ...
الأسرار لها قيمتها ...

تسلم
... ;) ,,, ;) ...

محمد فؤاد (صاحب عمود النور) يقول...

طبعا
صح جداااااااااا
بس ياترى ايه هو بقى السر الاكبر عند كل واحد فينا؟؟؟

sony2000 يقول...

لا بجد انت عندك حق
فكل كلمه قلتها
وبأويدك فيها:)

هي وظروفها يقول...

ناس عجيبه

احنا يا احمد

بندور علي حاجات كتخصناش ونحشر دماغنا

ونوجع بيها دماغنا وهي مبتبقاش تخصنا اساسا

ده احنا عالم بنحب نوجع دماغنا

اقولك علي سر

انا مشكلتي اني فضولي ورخم
ايه بقي لزمه كلامك ده

ار واعترف بسرعه؟؟؟؟

الجواز و سنينه يقول...

هو فيه حته كده مش باينه

منين الحاجه دى ما تصناش و منين اننا لو عرفناها هاتوجعنا

هو لو ما تخصناش يبقى اصلا مش من حقنا اننا نعرفها
و هو تخصنا و هاتوجعنا لو عرفناها يبقى انا معك

افتكر لو حكتلنا الحكايه اللى ما تخصناش هانفعهم الموضوع
ههههههههه

و لا اقولك خليها سر

صحيح ايه اخبار المدونه بتاعه السيره الذاتيه و لا خلاص
نفسى تتكلم عن الدكتور يحيى المشد

أبو حميد يقول...

أولا وقبل كل شىء بعتذر عن تأخر الردود
أنا بقالى 4 أيام مش عارف أآدخل على مدونتى أو أعلق عند أى حد بالأكونت بتاعى (بركاتك يا فاتيمااااااا)
بس النهاردة الحمدلله قدرت أدخل مدونتى

أبو حميد يقول...

ستيتة حسب الله الحمش
=================
تحياتى يا دكتورة وماحدش بيصدق الكلام ده إلا لما يجرب

أبو حميد يقول...

صيدلانيه طالعه نازله
===================
يا سلام عليكى يا دكتورة علا..
عارفة السر اللى لازم تعرفيه هو إيه؟ أنا بجيب ورد لمراتى من أنهى محل
نياهاهاهاهاهاهااااااا

أبو حميد يقول...

ghada mOhsen
============
منورة المدونة يا غادة
مشكلة الفضول إنه لما بتعرفى ساعات بتبقى طرف فى المشكلة بشكل غير مباشر

أبو حميد يقول...

محمد فؤاد (صاحب عمود النور)
==========================
إزيك يا محمد
السر الأكبر عند كل واحد فينا أظن مايعرفهوش حد غير ربنا سبحانه وتعالى وصاحب السر

أبو حميد يقول...

sony2000
========
شكرا يا سونى
عاملة إيه فى الإمتحانات؟

أبو حميد يقول...

هي وظروفها
==========
لا يا وليد ماتقولش كده على نفسك... صحيح كلنا متأكدين من كده بس ماينفعش إنت تقول كده

أبو حميد يقول...

الجواز و سنينه
=============
فينك من زمان مابتزورينيش هنا
على العموم منورة
شوفى بقى ساعات الجهل ببعض الأمور المحيطة بيبقى نعمة من ربناوالكلام مافيهوش تناقض ولا حاجة بس أنا ماينفعش أحكى الموضوع على الملاء

فتاه من الصعيد يقول...

فعلا في حاجات بنتمنى نجربها او نعرفها وبعدين بنندم اننا عرفناها :(

تحياتي

P A S H A يقول...

أبو حميد

إزيك ؟؟ يا رب تكون بألف خير إن شاء الله

صح



تصفيق وانحناءة تقدير واحترام

:))

خالص تحياتي وعميق امتناني وتقديري

فاتيما يقول...

اولااااا

مالها فاتيما يا فندم
جت جنبكو و لا قالت نص حرف ؟


الكوش دعوة بيها
و سيبوها ف حالها
متتلككش بيا
دا البلوجر اللى بيخرف
و عليه عفريت
إنصرف
لا تأذينا و لا نأذيك


هينصرف إن شاء الله



و ثانيا
حمدلله على سلامة مدونتك
انشالله اللى يكرهك

بالنوسبة للبوست
طبعا معاك الف حق

مش كل حاجة تتقال


بس انتا استفزيت فضولنا
و روحت ساكت و مش هتقل
عشان تسيبنا نتفلق
على اقل من مهلنا
و نضرب اخماس
ف اسداس
ف اثمان


برج الجدى
على اصوله الصراحة



القصد
حمدلله ع السلامة
يا باشمهندس

كلمات من نور يقول...

سبحان الله ناس كتير كده وياريتهم يفهموا او يعتبروا انما مع الأسف كتير بيقع في الغلط ويكرره .....تحياتي

إرسال تعليق