Recent Posts

الأحد، 24 يناير، 2010

مش عايز نلاعب الجزائر

أغلب الناس بيقولوا عايزين نلاعب الجزائر 

علشان نرد إعتبارنا و نثبت إننا أحسن

أنا بقى بختلف معاهم للأتى:

1- مهما كانت نتيجة المباراة حتزود الخلاف والإنشقاق بين الجمهورين

2- إحتمال كبير تحصل إحتكاكات بين الجمهورين فى أنجولا

3- لو مصر خسرت من الجزائر حتبقى قاسية جدا

خبطتين فى الراس توجع

وعمر ما حد حينسى إن فى نفس السنة الجزائر خرجتنا من البطولتين

4- لو مصر كسبت ... وإيه يعنى

الجزائريين حيقولوا مش مهم إحنا تركيزنا على كاس العالم

يعنى فوز مصر مش حيمحى مرارة فشل التأهل لكاس العالم

ولهذه الأسباب أفضل ألا يتقابل الفريقان

يا الجزائر تخسر من كوت دى فوار, يا مصر تخسر من الكاميرون

معايا يا جماعة ولا لأ؟

9 التعليقاااااااات:

خواطر شابة يقول...

المسألة في النهاية كرة قدم اي لعبة وينبغي ان تظل في هذا الاطار الان الحمد لله الاجواء ليست مشحونة كما كانت من قبل هناك نزعة للتهدئة من البلدين تظهر واضحة على الاقل على المستوى الرسمي والاعلامي انغولا صعب ان يتواجد فيها بكثافة لا الجمهور المصري ولا الجزائري الرحلة مكلفة والاسعار غالية وبالتالي فكرة الاحتكاك بين الجمهورين مستبعدة
احتمال ان يلعب الفريقان معا هو امر وارد وان حصل يجب التعامل مع الامر على انه مباراة عادية دون خلفيات والفوز يكون حليف الاقوى والفيصل هو رقعة الميدان
الرجاء فقط من الاعلام ان لايصب الزيت على النار وان يعلم ان الكلمة مسؤولية
تحياتي لك

أبو حميد يقول...

خواطر شابة
----------
أنا عارف إن الموضوع فى الأخر مباراة كرة قدم
لكن تفتكرى كلم واحد فاهم كده
الشعبين ما نسيوش إساءة إعلام كل طرف للشعب الاخر
الناس لسه مشحونة ومحتاجين وقت ومجهود أكتر من عقلاء الجانبين علشان يهدوا
على فكرة.. أنا كنت سعيد جدا لما عرفت انك من المغرب

مش بمزاجى يقول...

مش ليا فى الكورة بصراحة ومش بتابعها بس فى النهاية احنا بلاد عرلابية مسلمة

mostafa rayan يقول...

معاك فى كلامك انت رأيك صح

الشعب لابد له من حكومه تشكمه يقول...

اهى الجزاير كسبت استنى باه اما نشوف مصر بكهر ان شاء الله مع الكاميرون وبعدها اقولك راى:))

Mostafa Rock يقول...

اكيد انا مش معاك في اللي بتقولوا يا استاذ لان لو على كلامك يبقى فعلا احنا شعب بنخاف او نقول ان الجزائر فعلا احسن مننا في الكورة واحنا معندناش كورة ... في الحالة دي ماشي انما وجودنا كمنتخب مرتبط بفوزنا عليهم المرة دي .... اللاعيبة بتاعتنا قالو المرة اللي فاتت كان في ناس في الاستاد ماسكالهم سكاكين المرة دي الامن في انجولا قوي جدا عايزين نشوف هيشرفونا ولا ولا المرة دي

خواطر شابة يقول...

مبروك فوز مصر وتأهلها لنصف النهائي وان شاء الله يوم الخميس تنتصر الروح الرياضية وليفز الافضل

بت خيخة وأي كلام يقول...

انا معاك

وبما انى جيت متاخر ومصر خلاص فازت على الكاميرون
وهنقابل الجزائر هنقابلهم ومافيش مفر


إلا ان لو مصر كسبت الجزائر
احنا هنشمت فيهم
احنا هاننسى نفرح بالمكسب وهنشمت فيهم
والدليل على كدة رد فعلنا على الخلافات اللى حصلت فى الفترة اللى فاتت
عملنا اغانى وهزئناهم
مابالك بقى لو فوزنا عليهم
هانعمل ايه؟
هانشمت فيهم اوى
وهانبين اد ايه اننا وحشين من جوانا

ولو خسرنا
يا خرابي على الألم اللى هنحس بيه
فعلا هتبقى قاسية جدا

مهندس مصري يقول...

ربنا يعدي ماتش الخميس ده على خير

إرسال تعليق