Recent Posts

الأحد، 10 يناير، 2010

طفل صغير ولكن.........


موقف بيحصلى كتير

راجع من فسحة حلوة مع مراتى و الولاد, مراتى قاعدة جانبى والولاد فى الكنبة اللى ورا بياكلوا حاجة حلوة أو بيشربوا عصير و تروح الإشارة قافلة ويجيى ولد صغير زى اللى فى الصورة يخبط على الإزاز بيشحت, بصراحة ماببقاش عارف أعمل إيه؟

الولد ده مش شغال من نفسه دا فى وراه منظومة مشغلاه. يعنى اديله فلوس علشان صعبان عليا وأشجع المنظومة الحلوة اللى مشغلاه ولا أقوله ربنا يسهلك  و أكسر يخاطره؟ دى واحدة.............. التانية بقى العيال دول ذنبهم فى رقبة مين؟ الحكومة ولا أهاليهم اللى رامينهم ولا العصابات اللى مشغلاهم ولا إحنا اللى بنقفل إزاز العربية ونعمل نفسنا مش واخدين بالنا؟...........التالتة, الولد ده حاسس بإيه ناحيتى و ناحية ولادى وناحية المجتمع كله؟ يعنى لما يكبر شوية يا ترى مش حيفكر ينتقم من الولاد اللى قاعدين فى الكنبة اللى ورا بياكلوا حاجة حلوة  ودفيانيين ومش حاسين إنه موجود أصلاّ؟

1 التعليقاااااااات:

إنسانة يقول...

هى فعلا مشكلة كبيرة يااستاذ احمد

بس يعنى هو لو اديته جنية افتكر مش هيأثر مع حضرتك وحتى لو زى مابتقول وراه منظومة او عصابه بتشغله فتذكر دائما ان ده وضع اتفرض عليه مااختاروش ,,,وياريت وانت بتديله الجنية ده تبتسم له بجد من جواك وتنصحه اى نصيحه صغيرة ,,,اللى بيخرج من القلب بيوصل للقلب واللى بيخرج فقط من اللسان لايطال سوى الاذان ...وربنا يباركلك فى اولادك ...

تقبل مرورى

إرسال تعليق