.jfif)
عمرو موسى رئيس مصر القادم
بنسبة 80% حتى الأن
دى مش رغبتىأنا لغاية دلوقتى حرشح البردعى
بس مستنى أسمع كل المرشحين وأشوف برامجهم
ليه بقى بقول كده على عمرو موسى؟
علشان أنا سألت ناس كتيييييير من ثقافات مختلفة
وسمعت ما يلى:
ده راجل
إسرائيل كانت بتخاف منه
اللى نعرفه أحسن من اللى مانعرفوش
طول عمره عايش فى مصر
سياسى محنك
وبالنسبة للبرادعى:
ده عميل
طول عمره عايش بره مايعرفش عننا حاجة
بنته متجوزة نصرانى
هو فى رئيس بيتهته فى الكلام؟
يعرف إيه عن السياسة
ده بتاع ذرة
والكلام ده سمعته من ناس كتير للأسف
مفيش حد بيسمع ولا عايز يسمع
ماحدش مستنى يشوف البرامج الإنتخابية بتاعة الناس
كله عايز يخلص وخلاص
وكله بيسمع من كله
لذلك عزيزى قارئ المدونة
أحب أقولك إنه لغاية النهارده
عمرو موسى شكله اللى حيكسب
للأسف
وحنبقى شيلنا مبارك وجبنا مبارك تانى
أتمنى من الله أن يخلف ظنى وكلامى ده مايتحققش
6 التعليقاااااااات:
صباح الخير يا بشمهندس
انا ع فكرة معاك ف كل الكلام اللى قلته ويمكن ده مسببلى ازمة نفسية فظيعة
انا قلتها ف كلامى مع احد الاصدقاء مصر كأنها بتخرج من نقرة تقع ف دحديرة حاجة عجيبة بجد
ومهما قولنا وقعدنا نفهم الناس لسه بتستسهل محدش عايز يصبر ع حاجة عدلة
ومحدش عايز يفهم انه كل حاجة محتاجة تفكير كويس وترتيب صح لان مابنى ع باطل فهو باطل
لكن لا حياة فيمن تنادى :(
انا ما اخترتوش ع فكرة ولا هو ولا برادعى ولا غيرهم من الباقيين
انا مستنية اشوف البرامج بردو وبناء ع ذلك هاقرر
ومش مهم بقه لو انا لوحدى اللى بفكر كده المهم انى اعمل الصح وخلاص
ربنا يارب يسترها ويعديها ع خير الفترة دى
انا برضه حاسه ان ده اللى حيحصل للاسف
نفسى نتعلم نقرا الصفحه لاخرها عشان نقدر نحكم كويس
و مبروك رجوع المدونه تانى
الف مبروك يا باشمهندس
مع الاسف
نفس السيناريو يتكرر ولا موسى هينفع ولا برادعى مع تقديرى لتاريخهم ومكانتهم ولكن مصر تحتاج رئيس بمواصفات خاصة فى تلك المرحلة الحرجة اما البرامج الانتخابية هتحدد حاجات كتير ولكن البرامج سهلة ولكن الية تنفيذها كيف ؟؟1!
فمبارك صاحب برامج انتخابية جبارة لم يتحقق منها شىء وبرامج حزبه خيالية وكيف شاهدنا الفساد والاحتكار من جانبهم
ربنا يولى من يصلح ويحفظ مصر وسائر بلاد الاسلام
تحياتى
للاسف انا كمان حاسه كده واقتنعت بكلامك
ويا خووووووووووفي
والله لسه بنقول نفس الكلام على تويتر
الإعلام الرسمي بيعمل ايه؟
بيتجاهل مرشحي الرئاسة المعتبرين كالبرادعي والبسطويسي
والمجلس بيعمل ايه
مش بيخرج الوثائق اللي تعرف المصري البسيط حجم كل رجل
والمصري العادي بيعمل ايه
بيدفع ثمن كبت وتجهيل سياسي عقود طويلة
بس الكل ياريت لا ينسى ان الله له شئون في تصريف الأمور
وبعون الله ها تنكشف اوراق عمرو موسى وشفيق المتستر عليها
ويمكن ساعتها الناس تسمع البرادعي وتشوفه صح
تحياتي يا ابو حميد وحمد الله على سلامة المدونة
لحد ماالرياسه وانتخاباتها تيجي
لازن ننزل ونتكلم مع الناس بجد
وانا برشح البسطويسي:)
إرسال تعليق