Recent Posts

الأربعاء، 18 أغسطس، 2010

عايزة أتجوز


حلوة قوى لما كانت على المدونة
ولما إتنشرت فى كتاب
ولما إتعملت مسلسل
إتفرجت على أجزاء متقطعة
وضحكت...
لكن بعد شوية بدأت أزعل من المسلسل
لأنها لما كانت حكايات على مدونة
أو لما كانت كتاب
كانت بتحكى عن تجربة شخصية
لكن لما إتعرضت فى التلفزيون
مابقتش تجربة شخصية
وأظن إنها بتجرح عدد غير قليل من الفتيات
وأنا شوفت نماذج زى دى بنفسى
مش عايزين يشوفوا المسلسل ولا يسمعوا عنه حاجة
لأنهم شايفين إنه بيسخر منهم
ومن ظروفهم اللى مالهمش دخل فيها
.
.
بس خلاص

9 التعليقاااااااات:

حفيدة عرابى يقول...

والله يافندم ناس كتير من رأى حضرتك
غادة فى المدونة كانت بتتكلم فى الموضوع برقى
حتى وهى بتستخدم الكوميديا فى اسلوبها كانت لذيذة قوى
لكن المسلسل انا ماشفتش منه غير البرومو وعشر دقائق مش اكتر ومقدرتش اكمل
ضيع كل مجهود غادة وخلى القضية بقت مسخرة وتريقة
ده زينات صدقى كانت أظرف وأرقى من من الهبل اللى عاملاه هند صبرى
مع انها ممثلة كويسة

فاتيما يقول...

معاك يا أبو حميد

فعلا المسلسل واخد شكل الكوميديا الصارخة
و لو كان التمثيل رتمه اهدى
كان هيبقى المسلسل ناجح اكتر

كنت بتكلم مع صديقة
برضو تابعت المدونة من بدايتها
و قولتلها اننا لما بنقرى
بنقرى بشخصيتنا و خيالنا و مشاعرنا الشخصية
بنسقط من روحنا على المكتوب
و نتخيله كل واحد بطبيعته

المرووشة هتحس ان هند صبرى عادى
لأنى شوفت بنات كدا ف الحقيقة
هيموتواااا ع العرسان

و البنت العادية
اللى هيا ملايين البنات
هتحس اكيد بالاهانة و انها مصدر سخريبة
بينما هيا ف الواقع شخص متزن و قابل للمناظر اللى بتيجى دى و واخدها تريقة و ببساطة


يمكن نكون بنظلم غادة
لأنا نعرفها كويس و معاها خطوة خطوة
من اول الحكاية ؟!!!

بس ارجع و اقول
العمل الفنى دا جماعى و داخل فيه اعتبارات كتير
بينما غادة مسئولة عما كتبته و فقط


كل سنة و انتا طيب
و كل البنات اللى عايزة تتجوز
تتجوز


خالص ودى
و انتا جاى الفطار
مفيهاش مناقشة دى
هه

خواطر شابة يقول...

انا اعتبر من الفئة العمرية التي يتحدث عنها المسلسل لكن صراحة لاأحسه يمثلني نهائيا بالشكل الذي هو عليه الان احس انفعالات هند صبري مبالغ فيها وتعامل الابوين مع الموضوع ايضا مبالغ فيه واحسه مدعاة للسخرية اكثر منه طرح موضوعي لمشكلة موجودة فهو اقرب الى الكوميديا ان لم يكن كوميديا خالصة
انا تابعت مدونة غادة من البداية بل كانت هي طريقي للتعرف على عالم التدوين تابعت حكاياتها ولم احس للحظة بما احسه الان من هذا المسلسل كانت تتطرح الموضوع كتجربة شخصية بلمحة كوميدية لاتمنع الرسالة من أن تصل
دمت بكل ود

ستيتة حسب الله الحمش يقول...

انا قرأت الكتاب
اما المسلسل شفت منه حلقة ووجدت هند صبري مفتعلة جداااااااااااااااااااااااااااااااااااااااااااا

بس خلاص

تحياتي

فتاه من الصعيد يقول...

موش شفت المسلسل ... بس ده كوميديا يعني ممكن نسخر من همومنا عادي من غير زعل

تحياتي

كيــــــــــــارا يقول...

للاسف مش هقدر احكم عن المسلسل لاني مش اتفرجت عليه وبمعني ادق مش بفتح التليفزيون اصلا

كل سنة وانت طيب

وحضرتك جاي الفطار ؟؟

غير معرف يقول...

ما اللى يتجوز يتجوز واللى يتطلق يتطلق وجعتو دماغنا يا مدونين

محمد يقول...

مسلسل مهزأ وناس غاوية تزود الفساد بمسلسلاتها

وحسبى الله ونعم الوكيل

dreams يقول...

انا قريت الكتاب وشفت المدونة ولما المسلسل نزل كنت متابعاه من اول حلقة لقيته بعيد اوى عن المدونة والكتاب وحسيت ان ده سببه ان المسلسل بيظهر وجهة نظر المخرج والممثلة اكتر من الكاتب وحسيت ان بيبالغ اوى فى الاحداث و المواقف وكأنى بتفرج على فيلم كارتون فى النهاية قررت انى ما اتفرجش عليه

إرسال تعليق