Recent Posts

الجمعة، 19 نوفمبر 2010

لينوا


لينوا فى أيدى إخوانكم يستوى الصف
هذه الجملة يقولها بعض الأئمة قبل الصلاة
فكرت فيها شوية
لقيت إننا مش محتاجينها فى الصلاة بس
محتاجين نلين فى إيدين بعض
علشان تستوى حياتنا كلها

وأكيد إستواء الصف ربنا ما أمرناش بيه
علشان الصلاة بس
يعنى إزاى صف الصلاة يستوى
وباقى صفوف حياتنا ماشية معرجة؟

5 التعليقاااااااات:

خواطر شابة يقول...

بداية عيد أضحى سعيد ينعاد عليك بالخير والبركات
تانياأعجبتني هذه الجملة كثيرا "لينوا فى أيدى إخوانكم يستوى الصف" لم أسمعها هنا من قبل هنا الامام يقول "استووا واعتدلوا ان تسوية الصفوف من تمام الصلاة استوا يرحمكم الله"
ثالثامعك كل الحق ليتنا نجعل تعاليم ديننا تنعكس على معاملاتنا بدل ما هو عليه الحال اليوم من اننا نعتبر مجرد اداء الفروض هو الدين كله

غير معرف يقول...

الله ينور كلامك عليك
صح كلامك والله
كل سنه وانت طيب
عيد سعـــــــــــــيد

sony2000 يقول...

والله للاسف
بنعمل كل حاجه ظاهري بس
ودي مشكله

فاتيما يقول...

ازيك يا باشمهندس

عيد سعيد عليك يا رب
انتا والمدام والاولاد
وكل احبابك


حلو قوى الربط
بين صفوف الصلاة وصفوف الدنيا
تعرف؟
المدير بتاعى استاذ جامعى
دايما يقولى
من اول ما كنت معيد ولحد آخر محاضرة درستها
كنتا بقول وبأكد على حاجة واحدة
علموا الطالب ..النظام والنظافة
وسيبوا العلم ييجى رقم تلاتة
العلم ممكن يتعلمه من الكتب
ومن الممارسة ف الحياة
لكن لو كان فوضوى ومش نضيف
عمره ما هيبقى بنى ىدم كويس ومنضبط ف حياته
واحنا بنربى حد يعيش صح
مش يتعلم ويعلق ف شهادات ع الحيطة وبس

لو طبقنا كلامه دا على كل حاجة
هتلاقى فعلا
ان النظام اساس انضباط كل حاجة
والنضافة عنونا التحضر
ودا المفروض يطبق على الكل
من اول الكناس ف الشارع
لحد رئيس الدولة
فالدنيا تبقى صح


حلو البوست
الله ينور

ستيتة يقول...

موافقة على المعنين
لينوا
واصطفوا
وقال الرسول الكريم صلى الله عليه وسلم
رحم الله عبدا سمحا إذا باع، سمحا إذا اشترى، سمحا إذا قضى،
سمحا إذا اقتضى" رواه مالك في الموطأ عن جابر رضي الله عنه، وبعضه في البخاري

إرسال تعليق