Recent Posts

الثلاثاء، 13 أبريل 2010

نظرية المؤامرة


النهاردة وأنا راجع من الشغل

كان راكب معايا زميل وصديق

كنا نتحدث عن الأزمة الطااااااحنة التى يمر بها الوطن

والتى تركت أثرها على العديد والعديد من أبناء الشعب الشرفاء

وهى أزمة

الحشيش

وأسبابها

فأكد لى زميلى العزيز أن هذه الأزمة

 مخطط يهودى

نعممممممممممممممم

ده أنا اللى قولت كده

فنظر لى نظرة العارف ببواطن الأمور

ومستخفا بنظرتى السطحية للأحداث

أه طبعا أومال إنت فاكر إيه؟

قولت له طيب إيه هى أبعاد المؤامرة؟

قالى علشان لما الناس مايلاقوش حشيش 

حيتحولوا لمدمنين

اللهم طولك ياروح.. أومال الزفت ده إيه؟

قالى إيه بقى:

الحشيش مش إدمان, ده مزاج بتاع وقته

لكن لما مايبقاش فيه حشيش

الناس حتتجه للبانجو والبرشام

وده حيخليهم مدمنين

وبكده البلد حتتأثر

لأن الناس مش حتشتغل

إيه رأيكم فى النظرة المبعدية التفحلقية للأزمة الحشيشية

لأ وكل مصيبة تحصل لنا تبقى مؤامرة يهودية أمريكية صهيونية إمبريالية

فكرونى المرة الجاية أكلمكم عن المخطط الصهيونى لبناء الطريق الدائرى

والله بتكلم بجد

فى واحد مهندس المفروض إنه متعلم مثقف محترم قالى كده

14 التعليقاااااااات:

صيدلانيه طالعه نازله يقول...

طب و الله الراجل ده بيقول كلام زى الفل

انت بس اللى طيب و فاكر كل الناس طيبه زيك

طبعا ده مخطط مصرى اسرائيلى لضرب الزراعه الحشيشيه المصريه و التحول الى الهيروين و الكوكين اللى جايلنا عن طريقهم

انا اؤيد هذا الكلااااام و بشده

خواطر شابة يقول...

نظرية المؤامرة اختراع عربي صرف يخرجونه كفزاعة امام كل مشكلة تصيبهم اعتقد ان الامر نفسي فهم يجدون راحة في الصاق كل مشاكلهم بعدو وبهذا يريحون ضمائرهم ويعون انفسهم من كل مسؤولية لانهم يلبسون ظلما ثوب الضحية

Unknown يقول...

صحيح انا مومن بنظرية المؤامرة بس للدرجة دى

يعنى فى حد بيشتغل وهو محشش
ماهو كده ولا كده مش هشتغل ؟

غير معرف يقول...

ههههههههههههه

سبحان الله ويخلق مالا تعلمون :)

تحياتي

ستيتة يقول...

انا سمعت قصة الطريق الدائري من مش مهندس
بس مثقف ومتعلم وواعي وفاهم ووالله صدقتها وخفت
اما عن نظرية المؤامرة في الحشيش
فدي جديدة نوفي

أحمد عبد الحميد يقول...

صيدلانيه طالعه نازله
===================
مش كده برضه؟
أنا حاسس إنى أنا الوحيد اللى مش فاهم التيتة
تحياتى

أحمد عبد الحميد يقول...

خواطر شابة
==========
عنك حق فى كلامك
على الرغم إنى كاتب الموضوع بطريقة ساخرة لكن الحقيقة مريرة
خالص تحياتى

أحمد عبد الحميد يقول...

العيسوى الصغير
==============
مش عارف والله يا باشا الناس دى بتفكر إزاى مع إن كتير بيدعوا إنهم بيطلعوا أحلى شغل وهما عاملين دماغ

أحمد عبد الحميد يقول...

فتاه من الصعيد
==============
سبحان الله
بس الكلام ده على مين بالظبط؟؟؟

تحياتى

أحمد عبد الحميد يقول...

ستيتة حسب الله الحمش
==================
معقول يافندم حضرتك كمان عارفة قصة الطريق الدائرى؟
يمكن قصة غير اللى إتحكيتلى
عموما لما أنشرها حنعرف هى نفس القصة ولا لأ
تحياتى يا دكتورة

هي وظروفها يقول...

حبيبي واخويا الكبير

ازيك يا احمد عامل ايه

صاحبك يا معلم شكله من ومع النظام الحاكم ومش عايز يقول الحقيقه الا وهي ان الحشيش اضرب في السوق ومبقاش يعمل دماغ ولذلك سحبته الحكومه من الاسواق بواسطه البي اف اي

وهتنزل مكانه حشيش ماركه نايمني علي الكنبه يا ابو اشرف

عشان الشعب كله يفخّد ويتعامل مع الواقع علي انه اجمل من اي حته في العالم بس لانه مش ديموقراطي فمقلش الحقيقه صباحه عالي يا باشا

Kiara يقول...

افندم ؟؟؟


دا كلام واحد متعلم وواعي


مش ممكن !!!

أحمد عبد الحميد يقول...

هي وظروفها
===========
وليد باشا
إنت كده فهمتنى التيتة
ربنا يخليك ليا يا باشا وتفهمنى اللى ماقدرش أفهمه

سلام يا غالى

أحمد عبد الحميد يقول...

كيــــــــــــارا
=================
شوفتى بقى؟
دى أخرة التعليم المجانى
:)

نورتينى

إرسال تعليق