Recent Posts

الاثنين، 5 أبريل 2010

معايدة


إمبارح كنت فى شغل بعيييييييد

وماكنش فيه شبكة

وأنا راجع فى الطريق

أول ما تليفونى إشتغل

عملت حاجة أول مرة أعملها بصراحة

إتصلت بكل زملائى وأصدقائى وعملائى

المسيحيين

وعيدت عليهم واحد واحد

وكل واحد كلمته حسيت هو مبسوط قد إيه

أنا فى العادى كسوووووول جدا فى موضوع المعايدة

يعنى كل عيد أقول حكلم أصحابى

ومكلمهومش

كل عيد أم أقول حكلم خالاتى وعماتى

ومكلمهومش

بس إمبارح حسيت إنى لازم أعمل كده

بسبب الظروف اللى بنمر بيها

ولاقيت كل اللى كلمتهم إتيسطوا جدا وشكرونى

وأنا كمان إتبسطت جدا

ويارب بلدنا دايما بخير

ويبعد عنا شر الفتن

أمين

13 التعليقاااااااات:

غير معرف يقول...

انا بعمل كده دايما .... بس عادي زي مابعيد على المسلمين في العيد :)

تحياتي

sony2000 يقول...

اللهم امين
ابعد عنها كل شر يارب

صيدلانيه طالعه نازله يقول...

انا و جوزى يوم العيد برضه قضيناها معايدات و اتصالات

ربنا يديم المحبه بيننا و بلدنا تفضل هاديه بحبنا لبعض

محمد فؤاد (صاحب عمود النور) يقول...

صح قوى يا ابو حميد اللى انت عاملته
انا برضه عملت كدا
وكل سنه وكلنا كويسين وبلدنا بخير
يارب يستجيب لموضوع البلد دا

كيكى عوووووو يقول...

ويبعد عنا الناس الوحشة والمنفسة
قول امين
عوووووو

ghada mOhsen يقول...

بجد .. هي دي روح المحبه والموده

ربنا يسعد قلبك ...

.............

بشكرك كتير بجد على إللي عملته معايا
أنا وزمايلي يوم اللقاء :)...

أنا بس للأسف ماكنت أعرف إسم حضرتك
وبجد بعتذر .. هذي غلطتي وماراح تتكرر
وأنا عملت تحديث وعدلت ...
وبشكرك على التنويه :)

وإتشرفت بمعرفة حضرتك بجد

تحياتي ...

... ;) ,,, ;) ...

قوس قزح يقول...

سعيدة بتشريفك يوم المستشفى
مع ان للاسف مكنش فى فرصة نتعرف
ان شاء الله نتقابل على خير فى يوم للخير تانى

همس الاحباب يقول...

جزاك الله خيرا
ودى اخلاق وشهامة المصريين
سعيد جدا بمعرفتك ومقابلتك
دمت بخير
تحياتى

Kiara يقول...

شوف انا شفتك لكن للافس مش اتكلمت معاك بس اكيد اتشرفت بحضرتك

mostafa rayan يقول...

فرحان انى شوفتك يوم المستفشي وكسبت اخ وصديق جميل وزي العسل زيك
لك كل المحبة والود دائما يا اخي

mostafa rayan يقول...

انا قرات موضوع الصداقه .. اتفق معك في رايك يجب ان يكون هناك مسافة وحدود وإلا يمكن ان يحدث مالا يحمد عقباه

دنيا....او حياة يقول...

اه فعلا ..انا مبحسش يفرق فعلا.. ربنا يديم السلام علينا جميعا

حصان المرجيحة يقول...

الحشيش بقي ازمة
ههههههه
طيب ازاي
حال الدنيا اتشقلب
ربنا يستر
انا مش قصدي علي كلامك
بس فعلا انا سمعت الكلام ده و مستغربه جدا
ربنا يعافينا
شكرا ليك
و تقبل مروري

إرسال تعليق