Recent Posts

الخميس، 11 مارس 2010

عملتها فيا ال........


أنا تعمل فيا كده؟

بعد العشرة دى كلها

أنا اللى عمرى ماقصرت فى حقها

ولا خليتها ناقصها حاجة

طيب ليييييييييه؟

كل ده علشان فكرت فى واحدة تانية

إيه المشكلة

طالما عندى المقدرة

يبقى ليه لأ

أنا برضه بنى أدم

وبشوف ديه وديه

وعينى بتطلع عليهم

ومن حقى إن أختار

اللى تسعدنى وتريحنى

وتدينى برستيجى قدام الناس

صحيح إنت إستحملتينى كتير

وشيلتينى كتير

وأنا ساعات كنت ببقى مشغول عنك

وعلشان العشرة اللى بينا 

أنا رافض أفرط فيكى

برضه القديمة تحلى

وأنا شوفت معاكى أيام حلوة

كتيييييييير

بس برضه كل ده مش مبرر

للى عملتيه

.

.

.

.

يعنى تعطلى بيا فى طريق الواحات

وأجيبك مرفوعة على ونش

فى يوم تراب وزعابيب

وأتعطل عن شغلى

لأ

لأ

حجيب الجديدة

أما حضرتك فمستنيكى مصير تانى

.

.

حتروحى لمراتى تتعلم فيكى السواقة

ومافيش عقاب أكتر من كده

تستاهلى يا من كنت عربيتى

19 التعليقاااااااات:

صيدلانيه طالعه نازله يقول...

ههههههههههههههههههههه
من اول جمله حسيت انها العربيه

كلكم غدارين يا صنف الرجاله
يعنى اما تحب تتدلع عليك شويه ترميها رميه الكلاب و تجيب غيرها
صحيح يا مامنه للرجال
يا مأمنه للقرد فى السنغال

و بعدين بقى مراتك حبيبتك اللى مصدعنا بالورد اللى بيتجيبهولها بقت هيا عقاب العربيه
نوووووووووووووووووو

انا حاعمل نفسى مش سمعت حاجه و مش حاقول للمدام حاجه خاااااااااالص

و انت احسنلك شيل البوست و الاااااااا


مش ضامنه ممكن اعمل ايه

ههههههههههههههههههههه

بس بوست تحفه بجد

Unknown يقول...

فعلاً تستحق
اللى حتعمله
فيها المدام دى
حتشوف ايام عثل
اسووووووود ومنيل:)

خواطر شابة يقول...

ههه بس انا من اول سطر عرفت انها العربية لسه مفيش حد يقدر يجي يقول نفس الكلام غير على العربية او ما شابههاانما غير كده يا عيني على اللي حيجراله لازم حد انتحاري يجرب يعمل ده

حفيدة عرابى يقول...

الحمد لله انا فهمت من الاول
انا اسمع ان العربية غالية جدا على الرجالة
بس والله الف مبروك للمدام
وعقوبة مغلظة للعربية


مش اول زيارة:)
وسعيدة جدا ان مدونتى موجودة عند حضرتك

ستيتة يقول...

هههههههههههههههههههههههههههههه
انا قعدت اقول يا تورى النضارة
طب الموبيل
لأ يا عيني ده كلامه يدل على إنها حاجة اكبر
معلش ربنا يعترك في واحدة بنت حلال مصفي بمكيفها واتوماتيكها و ABSهاااااااا وبابا غنوجها :)

sony2000 يقول...

حتروحى لمراتى تتعلم فيكى السواقة

ومافيش عقاب أكتر من كده

تستاهلى يا من كنت عربيتى
طب ولييييييييييييييه كدا
تصدق بقي انها هتحافظ عليها لان معروف ان الستات بيبقوا حذرين فسواقتهم
ويمكن المدام تستريح معاها وتفضل معاها
وتخليها لاااااااااااانج
اما نشوف

Bookmarks exchanger يقول...

هههههههههههه

حلوة


شكرا

مهندس مصري بيحب مصر يقول...

ههههههههههههههههه
كنت حاسس بمعنى تاني للكلام برضه

غير معرف يقول...

هههههههههه

انا حسيت انها العربيه

اصل محدش مجنون يعلن انه هيتجوز تاني على الملأ كده :)

مدونه حضرتك جميله

اول زياره وليست الاخيره

تحياتي

أحمد عبد الحميد يقول...

صيدلانيه طالعه نازله
-------------------
ليه بس كده يا دكتورة؟ إحنا غدارين إحنا؟
طيب هو صحيح القرد بيعمل إيه فى السنغال؟ هو بالنسبة لموضوع مراتى كونها تتعلم السواقة على العربية دى وبعدين تبقى بتاعتها بصراحة هو عقاب للأتنين وبرضه حجيب لها ورد وتحطه فى العربية

أحمد عبد الحميد يقول...

norahaty
--------
وأى عسل اللى حتشوفه... ربنا يستر

أحمد عبد الحميد يقول...

خواطر شابة
----------
ومين قاليك إنى مش إنتحارى :)
بس أنا مقدرش أقول كده على مراتى حبيبتى

أحمد عبد الحميد يقول...

حفيدة عرابى
----------
يافندم نورتينى
وعرفتى منين إنها عقوبة مغلظة للعربية؟ إنت شوفتى مراتى وهى بتسوق ولا إيه؟

أحمد عبد الحميد يقول...

ستيته حسب الله الحمش
------------------
إيه ده؟ هو كل الناس فهمت إنى بتكلم عن أى حاجة غير المدام ولا إيه؟
الحمد لله وقعت فى واحدة لووووووووز وحجزتها
ربنا يوصلها بالسلامة

أحمد عبد الحميد يقول...

sony2000
-------
لا لا لا حتة تستريح معاها وتفضل معاها دى مستبعدة تماما نظرا لنوع العربية

أحمد عبد الحميد يقول...

Bookmarks exchanger
---------------------
شكرا وسعيد بمرورك

أحمد عبد الحميد يقول...

مهندس مصري
----------
معنى إيه بالظبط؟ دا إنت لسه عريس جديد
مبروك الجواز يا محمد وإنا لله وإنا إليه راجعون

أحمد عبد الحميد يقول...

فتاه من الصعيد
---------------
مين بس جاب سيرة جواز ماتودوناش فى داهية
شكرا ونورتينى يا فندم

Haytham Alsayes يقول...

هههههههههههههههههههههه
والله انا احسبها حاجة تانية كويس اللي انت بتتكلم علي العربية والا انت عارف مش عتخلص يحلو
تقبل مرورى وتحياتي

إرسال تعليق