Recent Posts

الأربعاء، 24 فبراير 2010

العصا السحرية


كنت بسمع برنامج الصبح على نجوم إف إم

كان بيتكلم عن الأتى:

لو معاك عصاية سحرية

تعمل بيها إيه؟

الشوية اللى سمعتهم من البرنامج

كانت أغلب الأمنيلت الشخصية هى

الجواز

أما أغلب الأمنيات العامة فكانت

أوصل مصر كاس العالم

عااااااااااااااااااااا

.

يعنى خلاص كل حاجة تمام

ماناقصش غير الوصول لكاس العالم

؟

؟

طيب السؤال ده لكل واحد حيقرا البوست ده

لو معاك عصاية سحرية

إيه الحاجات الشخصية اللى حتغيرها

وإيه الحاجات العامة (أبوس إيديكم غير الوصول لكاس العالم)

28 التعليقاااااااات:

sony2000 يقول...

انا نفسي انحج فدراستي واتغل فمكان كويس واخلي اهلي فخورين بيا
هي احلام بسيطه بس هي دي احلامي

sony2000 يقول...

اما بالنسبه للعام فنفسي اقلاقي بلدنا احسن بلد فالدنيا(هو دا الحلم المستحيل)

فاتيما يقول...

هههههه


لأ متخفش يا ابو الحماميد

مش هقولك كاس النيلة
أصل اصلاً كاس العالم مش محتاج عصاية سحرية
اما دى عالم هايفة صحيح



لو معايا العصايا؟؟؟

هتوجس خيفة الاول

و أسألك

اللى هتنفذهولى يا ترى
هيدوم ؟؟؟

و لا له تاريج صلاحية ؟؟


يعنى تنفع ترجعنا فى الزمن لورا ؟؟؟
أو قدام ؟؟

تنفع تمسح ادمغة ناس
و تفكر ناس بحاجات


تنفع تبدل المقسوم
و اللى ربنا كاتبه؟؟

تنفع بعد دا كله ما يحصل
انها بجد تسعدنى
و لا الواحد محتاج شوية حزن دايما
عشان يعرف معنى الرضا
و يقدر قيمة اللى فى إيده؟؟


حسب الإجابة اقدر اجاوبك


بس مبدئيا
عشان دمك ميتحرقشى
و تقول فاتيما جت و مشيت
من غير ما تجاوب

اقولك انه

هشاور بيها
تجيبلى يوسف فى حضنى

و اشاور بيها تودى طليقى و اهله
آخر الدنيا بعيد عنى

و هشاور بيها على كل فاسد ف البلد دى
يروح كوكب تانى يخربه غير الأرض

و هشاور على كل حد بقابله
محتاج مساعدة و اساعده


دا مبدئياً
لحد ما تقولى حدوها ايه العصايا دى
لبس تعرف ؟؟


العصايا السحرية بجد
قيمتها مش هتكون غير فى الجنة
يا ابو حميد


كنت بقول كدا ليوسف على فكرة


اصل الجنة هيا المكان الوحيد
اللى تقدر تطمع فيه براحتك
و متخفش من أى تبعات

بينما الدنيا متنفعش من غير ألم
و لا خسارة

حلو البوست على فكرة
بيخرج من جوا القلب حاجات
خالص تحياتى يا باشمهندس

صيدلانيه طالعه نازله يقول...

لو معايا العصا السحريه يا سيدى اول حاجه حاعملها حاجيب مساعده جديده ليا فى الصيدليه عشان معنديش حد حاليا

ثانيا حاخليها تجيبلى طياره لشخصين بس و اخد جوزى و نلف العالم او نلف شويه لوحدنا من غير الولاد

مفتقده انا الاحساس ده

لو اتحققت الامنيات دى حابقى اجيبلك هديه معايا من الرحله

نـــــور يقول...

ممكن انط بالباراشوت لاول مره على مدونتك اللى اول مره بعلق فيها واقول امنياتى؟
طبعا ممكن اتفضلى يانور ..شكرا يااستاذ :)

الامنية الشخصية انى الاقى وظيفة احلامى واكون شخصيه مسئولة وقد المسئوليه دى بحيث يكونلى دور فى عمل حاجه تفيد الناس اللى بحبهم والعامة على السواء

والامنيه العامة انى اشوف مصر من البلاد اللى بتقود العالم بدال ماهى ترتيبها ال2343544 على مستوى 170دوله كده !!

خواطر شابة يقول...

لو عندي عصا سحرية حأعمل بيها ايه فكر يا كبير فكر ياكبير
على المستوى الشخصي يمكن لو كات ملكي حاضرب بها نفسي واغير حاجات كثير فيا مش عاجباني مش شكلا لان شكلا ليه حلول تانية انما مضمونا يعني اكتسب صفات كثير بحبها ومش فيا
على المستوى العام سأخرج من اطار المحلية ولن ابقى في حدود بلدي وانما ساتطوع واحل لكم القضية الفلسطينية اللي بقالها سنين مش لاقيين لها حل.

أحمد عبد الحميد يقول...

sony2000
========
أحلامك البسيطة أحلام جميلة وسهلة التحقيق بالجد والعمل والإلتزام
حلمك العام صعب التحقيق ولكن لا يوجد مستحيل لأننا فى عصور كثيرة كنا أحسن بلد فى الدنيا

أحمد عبد الحميد يقول...

فاتيما
======
1- اللى العصايا حتنفذه حيدوم
2- ماينفعش ترجعنا بالزمن ولا تقدمنا فيه
3- ينفع تلعب فى أدمغة الناس
4- مين قالك إن اللى العصايا حتعمله مش هو ده المقسوم؟
5- خليها تعمل الحاجات اللى تسعدك

أدبنى قلتلك الشروط

إيه رأيك ماتخلى تعليقك عن الموضوع بوست عندك؟

أحمد عبد الحميد يقول...

صيدلانيه طالعه نازله
===================
مساعده شخصية؟
هو الموضوع صعب قوى كده؟ دا الناس مش لاقية شغل
وهو يعنى الولاد دول مالهمش نفس يتفسحوا ويلفوا العالم؟!!!
طيب حتجيبيلى هدية إيه؟

وفين يادكترة الأمنية العامة؟

أحمد عبد الحميد يقول...

نـــــــــــــور
=================
أهلا أهلا يا هندسة
هى إيه هى وظيفة أحلامك يافندم؟؟
إنسيييييييى ما فيش حاجة إسمها وظيفة أحلامى فى الكار بتاعنا
الأمنية العامة ممكن تحقيقها بكثير من الجهد والعمل والضميييير

أحمد عبد الحميد يقول...

خواطر شاب
=========
أهلا يا كبير
متهيألى إكتساب الصفات ده ممكن من غير عصا سحرية ولكنه صعب
أما القضية الفلسطينية علشان نحلها الأن محتاجين كل العصيان اللى فى فيلم هارى بوتر
تحياتى

الجواز و سنينه يقول...

عصااااااااااا
و سحريه
الللللللللللللله
بص يا سيدى
اولا هامسح ادمغه الناس زى فاتيما بالظبط
هاكمل الدبلومه بتاعتى
و لو هدف عام فأكيد مصر تاخد كاس العالم
هههههههههههه
انا بحس ان دماغنا اتمسحت بعصايه مخفيه مش سحريه علشان يكون ده هدف عام عندنا
بص هدف عام بجد
نفسى المصريين يكون عندهم كرامه و يحسوا بآداميتهم
و يكون عند اقل واحد فيهم الحد الادنى من المعيشه
يعنى بيت و شغل و اكل و شرب نظاف
بمعنى مش مليانيين كيماويات
احنا مش بالرخص اللى يخلينا بناكل اكل مرشوش بمياه صؤف صحى و مرشوش للصبح مبيدات و بنشرب مياه بتجيب للناس فشل كلوى ده لو لقوها
محتاج من الناس دى يكون عندها هدف عام
ازاى و همه مش عندهم كرامه
بس صحيح انت هارينا اسئله يا اسماعيل بيه
و مش بتجاوب ليه
مستنيه الاجابات النموذجيه

Unknown يقول...

شركة تسويق انا صاحبها
عشان اشغل الناس....

خواطر شابة يقول...

هي العصا السحرية اشتغلت معايا انا الاولى وبقيت خواطر شاب بدل شابة حرام عليك ههه

أحمد عبد الحميد يقول...

العيسوى الصغير
==============
حلو يا عيسوى الحلم ده, خاص وعام فى نفس الوقت
تحياتى

أحمد عبد الحميد يقول...

خواطر شابة
==========
أسف يا فندم على الغلطة الكيبوردية دى
معلش على وقوع تاء التأنيث
دا حضرتك ست الكل
تحياتى

مش بمزاجى يقول...

ههههههههههههههههه لاء الهدف العام مش كاس العالم ولا حاجة
بس بجد نفسى مصر تبقى القوة العظمى فى العالم
والامنيات الشخصية كتير
نفسى ابقى مترجمة شاطرة اخلص دراستى واعمل دبلومة واشتغل واكون مطيعةهلى ولربى كفاية كدا هى العصا هتعمل كل ده

ستيتة يقول...

لو معايا عصا سحرية الأول ها أثبت البرادعي على افكاره اللي عرضها على منى الشاذلي والسحلية عمرو اديب والرائع احمد المسلماني
ثم هوب
الهبرا كدابرا ها اخليه رئيس جمهورية مصر العربية وحواليه لجان التضامن من كل فئات الشعب سواء المصلحين الصادقين او المصلحجيين المزمنين
وساعتها ها يطلع ابن ابني المؤرخ حمزة ابن عفرتو ويعرف يكتب عنا شيء حلو في التاريخ

غير معرف يقول...

ياريت كان معايا عصايا سحرية
بجد
نفسي اغير حاجات كتير بحياتى

انى اكون انسانة ناجحة بحياتى وسعيدة

نفسي احس بالسعادة

بقيت خايفة من مستقبل وبكرة

خايفة من الناس

خايفة من نفسي

نفسي افرح اوى

يارب

نـــــور يقول...

مش هقولك ايه هى وظيفه احلامى بس هه :)

لكن انا بحب اخد بالاسباب
عليا اتعب وربنا ييسر الحال

بس يابشمهندس عالهامش كده
انا حاسه انى شفت حضرتك قبل كده فى مكان ما
ياترى فين :)

محمد فؤاد (صاحب عمود النور) يقول...

بالنسبة لنفسى:
هحاول اغير من عيوبى اللى مضيقانى وخنقانى
ل معايا العصا السحرية
هحاول ابقى انسان كويس واستخدمها فى كل حاجه كويسه لاى حد

اما بالنسبة لمصر فادى مش عايزة عصا دى عايزة الجنى بتاع علاء الدين

بس عموما
هبقى طرق نضيفه للناس
هبنى مساكن فى الصحرا للشباب واوفر لها كل سبل الراحة والامان
قى حاجات كتييييييييير قوى

أحمد عبد الحميد يقول...

مش بمزاجى
========
الأمنية العامة دى صعبة قوى.... ماتخليكى فى كاس العالم أحسن :))

الأمنيات الشخصية حلوة وممكن تحقيقها بالجد والإجتهاد
تحياتى يافندم

أحمد عبد الحميد يقول...

ستيته حسب الله الحمش
==================
ماشى يادكتورة بس الرئيس لوحده مش حيعمل حاجة بغض النظر هو البرادعى ولا مبارك ولا زويل ولا أبو رجل مسلوخة... فى دور كبير وكبير جدا على الناس

تحياتى
ألا صحيح الهبرا كدابرا دى تعويذة إيه؟!!

أحمد عبد الحميد يقول...

بنوتة مصرية جداجدا
==================
ليه الخوف ده كله
سيبيها على الله
إنت حتعيشى كام مرة؟

أحمد عبد الحميد يقول...

نـــــــــــــور
=================
ربنا يوفقك فى وظيفة أحلامك

مش عارف ممكن تكونى شوفتينى فين؟ بس هو مجالك إيه وفين يمكن نكون إتقابلنا فى شغل

أحمد عبد الحميد يقول...

محمد فؤاد (صاحب عمود النور)
==========================
إحنا ممكن نغير عيوبنا من غير عصايا سحرية أو نغير على قد مانقدر

جنى علاء الدين مش فاضى لأنه بيقضى لعلاء شوية طلبات يعتى بيقفله فى طابور العيش وبعدين طابور الأنابيب وبعدين طوابير المصالح الحكومية وهكذا...
تحياتى

غير معرف يقول...

فين الاقيهااللعبه مو صدق

Unknown يقول...

ابيش /اذا3

إرسال تعليق