Recent Posts

السبت، 6 فبراير 2010

زيارة معرض القاهرة الدولى للكتاب 2010

أمس 6-2-2010 كانت زيارتى الثانية السنة دى للمعرض

الزيارة كانت مميزة جدا جدا بالنسبة لى

ليييييييه؟

1- أخذت توقيع سحر غريب على كتابها الجديد

تعيش وتاخد غيرها

سألتنى عن أسمى علشان تمضيلى 

قولتلها أنا فى عالم التدوين بكتب أبوحميد

لاقيت حد بيقولى 

إنت بقى أبو حميد؟

أن أن أن أاااااان

إيه ياجدعان هو حد يعرفنى هنا؟

لاقيت واحدة بتبتسم ليا وبتمد إيدها تسلم عليا وتقولى

أنا فاتيما

سلمت عليها وأنا مبسوط جدا إنى قابلتها (وإنى بقيت مشهور كده :)  )

2- أخدت توقيع أحمد الصباغ على كتابه

الضرب فى الميت

ومضالى على نسخة لأختى الصغيرة

وأختى دى سبب معرفتى بعالم التدوين وبالصباغ

لأنها كانت زميلته فى كلية زراعة 

3- أخدت توقيع مصطفى ريان على كتابه

إعترافات رئيس سابق

وكنت مبسوط جدا إنى شوفته

إنطباعاتى عن الناس اللى شوفتهم النهارده

أحمد الصباغ: مهذب جدا وخجول وكان فرحان قوى 

سحر غريب: واثقة من نفسها وكانت عينيها فرحانة

فاتيما: طيبة خالص ومجاملة وكانت واقفة كأن كتابها هو اللى بيتوقع

مصطفى ريان: شاب مهذب و طيب وخجول

ألف مبروك لينا كلنا إن عندنا شباب زى دول

9 التعليقاااااااات:

فاتيما يقول...

انا زعلاااااااانة جدا
يا ابو حميد
أصل بجد كان نفسى تتعرف على الناس
اللى جت كلها


زعلانة من نفسى انى محتجزتكش رهينة
لحد ما نتلم كلنا تانى ...


عموما حصل خير


و دا هيدفعنى المرة الجاية
انى اجيب معايا الطبنجة بتاعتى
عشان اسيطر بيها على الموقف
لو قولت انا همشى
اروح مطلعاها علطول
و مخلكش تتتحرك من مكانك


سحر اخلاق و رقة الدنيا
و الصباغ اخونا الغالى و لو فيه نقابة للمدونين
و الصباغ يترشج ...هيادخها بإكتساح و حب الجميع
اما مصطفى فمقولكش ...دا اطيب حد ممكن تشوفه


انا فعلا يا عزيزى بحس ان اى حد مننا بيتنشرله كتاب و كأنه كتابنا كلنا مش هوه لوحده


احنا اتشرفنا بشوية الثوانى دول
لكن المرة الجاية هيكونوا ساعات إن شاء الله

خالص ودى ليك

مهندس مصري بيحب مصر يقول...

يا عزيزي مش مهم مشهور و لا لأ
المهم انك شخص متميز و محبوب فعلاً
و بقيت أخويا الروحي مادام فاتيما بتقول كده
:)
سعيد فعلاً بيك

mostafa rayan يقول...

حبيبي انا والله اللي فرحان قوي انى شوفتك امبارح وبجد مجئيك فرحنى قوي يمكن مالحقناش نتكلم مع بعض كتير
بس اول ما شوفتك قلت في نفسي الراجل ده طيب قوى
تحياتى لك يا اخى وهنتظر طبعا رايك في الكتاب

Asmaa يقول...

هو يعنى ينفع كده يابشمهندس يعنى انت كنت فى حفلة توقيع سحر والصباغ طب ماانا كنت هناك بس للأسف ماشفتكش او يمكن حتى شفتك بس ماعرفتكش عموما كان نفسى اتعرف على حضرتك ,,,
يلا مالناش نصيب متعوضه بقى فى اى لقاء تانى
خالص تحياتى

الجواز و سنينه يقول...

انا اسفه انى مسحت تعليقى
بس ده علشان ما كانش عاجبنى
و انا قلت لحضرتك كده

زياره موفقه ان شاء الله

أحمد عبد الحميد يقول...

فاتيما
------
يافندم من غير طبنجات ولا حاجة
أنا كان نفسى فعلا أقابل الناس كلها وأتكلم معاهم ومع حضرتك بس إن شاء الله تتعوض المرة الجاية

مهندس مصرى
----------
أنا ليا الشرف إنى أكون أخوك الروحى
غير إننا تابعين لنقابة واحدة :)

مصطفى ريان
----------
إنت شخص جميل وطيب جدا
أول ما أخلص الكتاب حبعتلك رأيى بمنتهى الصراحة
ولازم الناس كلها اللى بتحبك تقولك رأيها بصراحة بدون مجاملات علشان تتقدم وتتلافى أخطاءك

إنسانة
------
لا طبعا ماينفعش والغلطة غلطتى انا
ملحوقة وتتعوض فى أقرب لقاء تتدوينى

الجواز وسنينة
------------
من غير أسف ولا حاجة
أنا بهزر

Asmaa يقول...

:))
أكيد يابشمهندس ملحوقه بإذن الله

محمد فؤاد (صاحب عمود النور) يقول...

انا كنت هناك..

امال انا ماشفتكش ليييييييييييييييييه؟
اكيد هنتقابل

sevda يقول...

karabük
tunceli
ardahan
giresun
ordu
OL4S8T

إرسال تعليق